,दिपक माध्यमिक विद्यालयको सामाजिक लेखा परीक्षण प्रतिबेदन सार्वजनिक

Voice of Gulmi,दिपक माध्यमिक विद्यालय, भनभने गुल्मीले आज विद्यालयको सामाजिक लेखा परीक्षण प्रतिबेदन सार्वजनिक गरेको छ । आज अभिभावक भेला गरी प्रतिबेदन सार्वजनिक गरिएको हो । सामाजिक लेखा परीक्षण संयोजक हुमाकान्त भण्डारीको अध्यक्षतामा सम्पन्न भएको कार्यक्रममा विद्यालयका प्रधानाध्यापक थानेश्वर खनालले ६२ लाख रुपैयाँ बराबरको सामाजिक लेखा परीक्षण तथा प्रगति प्रतिबेदन सार्वजनिक गर्नुभएको थियो । कार्यक्रमका प्रमुख अतिथि विद्यालय व्यवस्थापन समितिका अध्यक्ष झविन्द्र बहादुर घर्ति सहित बावुराम पोखरेल, भिमकान्त पन्थी, इश्वरीप्रसाद पन्थी लगायतले शैक्षिक गुणस्तर बृद्धिका लागि शिक्षक, विद्यार्थी र अभिभावक सबैको प्रमुख भुमिका रहने भन्दै यसतर्फ सबैको ध्यान केन्द्रीत हुनुपर्नेमा जोड दिनुभएको थियो । सोही अवसरमा गोविन्द स्मृति अक्षय कोषद्धारा पुरस्कार स्वरुप यस बर्षको एसएलसी परीक्षामा विद्यालयबाट प्रथम हुने छात्र र छात्रालाई एक एक हजार रुपैयाका दरले वितरण समेत गरिएको थियो । शिक्षक ऋषिराम पन्थीको स्वागत मन्तव्यसँगै शुरु भएको कार्यक्रमको सञ्चालन शिक्षक श्यामबहादुर अधिकारीले गर्नुभएको थियो ।