जिप भीरमा खस्यो

Voice of Gulmi,
उदयपुर, माघ ५ – यहाँको मुर्कुची-भुट्टार सडक खण्डमा जन्ती बोकेको जीप दुर्घटनामा पर्दा एक किशोरीको घट्नास्थलमै मृत्यु भएको छ। बिहान पौने ७ बजे भएको दुर्घटनामा १० घाइतेमध्ये तीनजनाको स्थिति गम्भीर रहेको छ। बेहुला कूलबहादुर थापा भने कुशल रहेको अस्थायी प्रहरी चौकी सुकौराले जनाएको छ।त्रियुगा नगरपालिका ११ लालपत्ता पात्लेबासबाट भुट्टारतर्फ जाँदै गरेको को १ च ६६४९ नं. को बोलेरो जीप दुर्घटनामा पर्दा त्रिनपा १४ की १४ वर्षीया निशा बानियाको मृत्यु भएको प्रत्यक्षदर्शी स्थानीय मोहन बुर्जामगरले बताए। जन्ती सवार जीप मुर्कुचीदेखि ९ किलोमिटर माथि रौता ९ स्थित कोल्बोटेको गेरगेरे भीरमा चिप्लेर सडकबाट तल खसेको हो।
दुर्घट्नामा परी घाइते हुनेमा जन्तीहरु त्रिनपा ११ कै अश्विन कार्की, त्रिलोचन कार्की, उमा थापा, रामकुमार साह, मनोज कार्की, तिलक कार्की, राम कार्की, गणेश कार्की, अमर कार्की र चालक तेजु आलेमगर छन्। मृत्यु र घाइते हुनेहरु जीपभित्र सवार रहेको बुझिएको छ। २२ जना जन्ती सवार उक्त जीपमा २२ जना रहेकोमा हुट (छत) मा रहेका यात्रु भने हाम फालेर बाँच्न सफल भएको बुर्जाले बताए।

हिउँदे वर्षा जाडो मात्रै बढायो

Voice of Gulmi,

५ माघ,गुल्मी । ढिलो गरी हिउँदे वर्षा शुरु भएपनि राम्रोसँग पानी पर्न भने सकेको छैन । बिहीबार सुदूरपश्चिम क्षेत्रबाट शुरु भएको हिउँदे वर्षाको प्रभाव विस्तारै पूर्वतिर सर्दैछ । शुक्रबार मध्य र पश्चिम क्षेत्रका अधिकाँश ठाउँमा पानी परेको छ । ‘वर्षा राजधानीसम्म आइपुगेको छ, शनिबारसम्म पूर्वी क्षेत्रमा समेत असर देखिन्छ’ जल तथा मौसम विज्ञान विभागका बरिष्ठ मौसमविद राजेन्द्र श्रेष्ठले अनलाइनखबरसित भन्नुभयो ।

उहाँका अनुसार यो हिउँदे वर्षाको संकेत हो । ‘ढिलै भएपनि हिउँदे वर्षा त भयो, तर यसले राम्रो पानी पर्न सकेको छैन’ श्रेष्ठले भन्नुभयो । शनिबारदेखि नै मौसममा सुधार आउने उहाँले बताउनुभयो ।सामान्यतया पुसमा हिउँदे वर्षा हुनुपर्नेमा यसपटक माघको शुरुताका मात्रै पश्चिमी वायुको असर देखियो । तर त्यो पनि कमजोर हुँदा राम्रो वर्षा हुन नसकेको मौसमविद बताउँछन् ।

जाडो बढ्यो

बादल लाग्दा बिहानको तापक्रम बढेपनि दिउँसोको भने घटेको छ । बादलसँगैको वर्षाले राजधानी सहित देशका धेरै ठाउँमा अघिल्लो दिनको तुलनामा जाडो बढेको छ । अघिल्लो हप्ता माइनसमा झरेको तापक्रम पछिल्ला चार दिनमा केही बढेको थियो । मौसममा देखिएको बदलीले फेरि तापक्रम घटेको छ । तर माइनसमा फर्किने सम्भावना भने नरहेको मौसमविदहरुले बताएका छन् ।

आगलागीमा परी एक बृद्धाको मृत्यु

Voice of Gulmi,

२९ पुस, काठमाण्डौ । काठमाण्डौको पशुपति क्षेत्रको मृगस्थलीमा रहेको गोरखनाथ मन्दिरसँगै रहेको सत्तलमा आगलागी हुँदा एक जना वृद्धाको मृत्यु भएको छ ।

आइतवार विहान साढे ८ बजे भएको आगलागीमा परी नाम, वतन नखुलेकी अन्दाजी ८० वर्षीया वृद्धाको मृत्यु भएको गौशाला प्रहरीले जनाएको छ ।

आगलागीबाट करिब १५ लाख रुपैयाँ बराबरको क्षति भएको छ । आगलागी के कारणले भएको हो भन्नेबारे खुल्न नसकेको र घटनावारे थप अनुसन्धान भइरहेको प्रहरीले जनाएको छ ।

प्रधानमन्त्रीलाई दाङका पत्रकारले पठाए ‘प्रशंसापत्र

Voice of Gulmi,

२९ पुस, दाङ । पत्रकार डेकेन्द्र थापाका हत्या ओरोपीहरुलाई बचाउन खोजेर दण्डहिनता बढाउन प्रथम भएको भन्दै एमाले निकट पत्रकारहरुको संस्था प्रेस चौतारी दाङले प्रधानमन्त्री डा. बाबुराम भटराईलाई व्यङग्यात्मक ‘प्रंशसा-पत्र’ पठाएको छ । शैक्षिक करिअरमा सधै प्रथम हुँदै आएका प्रधामन्त्री भट्टराई पछिल्लो समयमा पत्रकार डेकेन्द्रको हत्यामा संलग्नलाई बचाउ गर्न खोजेर दण्डहिनता संरक्षणमा पनि प्रथम भएको भन्दै चौतारीले आइतवार जिल्ला प्रशासन कार्यालय दाङमार्फत प्रधानमन्त्रीलाई प्रंशसा पत्र पठाएको हो ।

प्रधानमन्त्री हुँदा देश बिकास र नागरिकका समस्या सम्बोधन हुनेमा जनताका आशाका केन्द्र बनेका भटराईले स्वयं हत्याराले कारबाहीको माग गर्दा पनि बचाउन खोजेको भन्दै प्रशंसापत्र पठाएको बताएको छ । निमित्त प्रमुख जिल्ला अधिकारी गोबिन्द रिजालमार्फत प्रधानमन्त्रीलाई यस्तो प्रशंसापत्र पठाएको हो । प्रेस चौतारी दाङका अध्यक्ष दुर्गालाल केसीले प्रधानमन्त्री दण्डहीनताको संरक्षणकर्ताको रुपमा उत्रिएका कारण यस्तो प्रसंसापत्र पठाउनुपरेको बताए ।

यसैवीच नेपाल प्रेस युनियनले पत्रकार हत्याका अभियुक्तहरुलाई कारबाहीको माग गर्दै आइतवार देशभरका जिल्ला प्रशासन कार्यालय अगाडि आधा घण्टा धर्ना दिएका छन् ।

पुजनापछि अर्की नायिकाको ‘रक्षा’ मा उत्तेजक वेडसिन (फोटो फिचरसहित)

Voice of Gulmi,

नायिका पुजना प्रधानले चलचित्र ‘रक्षा’ मा उत्तेजक बेडसिनको दृश्य दिएपछि यसले खुबै चर्चा पाएको थियो । पुजनाले नायक अशोक फुयाँलसँग दिएको उक्त बेडसिनका बारेमा थुप्रै टिप्पणी पनि बजारमा चल्यो । कतिले ‘रक्षा’ सिनेमाले हराउदै गएकी पुजनालाई पुनः चर्चामा ल्याएको बताए । चलचित्रमा समावेश उक्त बेडसिनले सिनेमाको व्यापारमा समेत असर पर्ने निर्माणपक्षको सोचाई छ ।तर पुजनाले दिएको बेडसिनलाई समेत विर्साउने गरी अर्की एक नायिकाले ‘रक्षा’ मा उत्तेजक दृश्य दिएकी छिन् । युवतीहरुलाई नेताले कसरी प्रयोग गर्छन् भन्ने बिषयलाई उठान गरेको चलचित्रमा समावेश एक दृश्यमा नव नायिका खुशी थापा ले सनसनीपुर्ण बेडसिन दिएकी हुन् । जागरी खानका लागि नेताले युवतीलाई शोषण गरेको दृश्य देखाउन वेडसिन खिचिएको निर्देशक राजु गिरीले बताए ।

चलचित्रमा समावेश बेड सिनमा नव नायिका खुशीले कुनै हिचकिचावट बिना नै उत्तेजक दृश्य दिएकी हुन् । चैत्र ९ गतेबाट काठमाण्डौ बाहिरका हलमा प्रदर्शनमा आउने तयारीमा रहेको यो चलचित्रलाई पबन बस्नेतले निर्माण गरेका हुन् । चलचित्रमा राजेश हमाल, साकिरा घिमिरे लगायतका कलाकारको समेत अभिनय छ । चलचित्रमा अर्जुन पोखरेलले संगीत भरेका छन् ।

राष्ट्रिय वाणिज्य वैंक भक्तपुरबाट पाँच लाख चोरी

Voice of Gulmi,

२९ पुस, भक्तपुर । भक्तपुरको सानोठिमीमा रहेको राष्ट्रिय बाणिज्य बैंकमा चोरी भएको छ । गएराती बैंकको मुख्य गेट भत्काएर पाँचलाख २३ हजार रुपैयाँ चोरी भएको प्रहरीले जनाएको छ ।

बैंकको झ्याल ढोकाको र्ममत कार्य जारी रहेकाले सोही समयमा चोरी भएको हो । घटनाको अनुसन्धानका लागि बैंकका सुरक्षा गार्डहरु कुलबहादुर केसी र ओमबहादुर खत्रीलाई प्रहरीले नियन्त्रणमा लिएको छ ।

बैँकका अनुसार सय रुपैयाँका ३ हजार वटा नोट , ५० का ११ सय वटा , २० का ३५ सय वटा , १० का ५७ सय वटा र ५ का ७८ सय वटा नोट र २ हजार सिक्का चोरी भएको जनाएको छ ।

अब रक्सि पिउँदिन-अन्जु पन्त

Voice of Gulmi,

बारम्बार मदिरा पिएर मातेको समाचारका कारण विवादमा पर्दै आएकी गायिका अञ्जु पन्तले अव आफुले मादकपदार्थ सेवन नर्गे बताएकी छिन् ।
‘मदिरा पिउनैहुदैन भन्ने होइन तर म भने अब यसबाट टाढा भएको छु, अन्जुले भनिन् ।’पति मनोजराजसाग सम्वन्ध विच्छेद भएपछि एक्लै बस्दै आएकी गायिका पन्तले धरानका संचारकर्मीसाग कुरा गर्दै मदिरा नपिउने बताएकी हुन् । केही समयदेखि क्रिश्चियन धर्म अबलम्बन गरेकी गायिका पन्तले उपस्थित संचारकर्मीलाई समेत बाइबल पढ्न सुझाव दिएकी छन् । पत्रकारहरुसँग अधिकांश समय ‘प्रभु’ को बयान गर्नमै समय खर्चिएकी पन्तले आफुले भजन गाएपछि प्रभुको शरणमा गएको बताइन् । आफुले परमेश्वरको योजनाले धर्म परिवर्तन गरेको दाबी गर्दै उनले भनिन्, ‘पहिला मन्दिर गएर पुजा गर्थे तर क्रिश्चियन धर्ममा जस्तो आनन्द कतै पनि देखिन ।’

गिरिजाले गल्ती गर्नुभो – माधव नेपाल

Voice of Gulmi,

२६ पुस, काठमाडौ । पूर्वप्रधानमन्त्री एवं नेकपा एमालेका बरिष्ठ नेता माधवकुमार नेपालले माओवादीलाई धेरै छुट दिएर विगतमा गिरिजाप्रसाद कोइरालाले गल्ती गरेको बताउनुभएको छ ।

माओवादीलाई शान्तिप्रक्रियामार्फत् यहाँसम्म ल्याउँदा गल्ती गरिएछ जस्तो लाग्दैन ? नेपाल निवासमा अनलाइनखबरले राखेको प्रश्नमा नेता नेपालले भन्नुभयो- ‘शान्ति प्रक्रियामा ल्याउन खोजेर गल्ती भयोजस्तो त लाग्दैन । तर, धेरै छुट दिने काम गिरिजाबाबुबाट भएको हो । मेरो योजनाअनुसार गिरिजाबाबु चल्दिएको भए यस्तो हुने थिएन ।’

‘एकसीट पनि नभएको माओवादीलाई गिरिजाबाबुले प्रतिनिधिसभामा एमालेकै हाराहारी सीट दिनुभयो ।’-नेपालले भन्नुभयो, ‘एमालेको बहुमत आउँछ, यो उदाउँदो शक्ति हो र एमाले कांग्रेसको प्रतिद्वन्दी हो, माओवादीलाई त चुड्कीका भरमा तह लगाउन सकिन्छ भन्ने गलत सोच राखेर गिरिजाबाबुले त्यसो गर्नुभयो ।’

माओवादीलाई यसरी धेरै छुट नदिन आफूले त्यसबेला कोइरालालाई सचेत गराएको नेपालको कथन छ । ‘मैले यो कुराको त्यतिबेलै विरोध गरेको हूँ । म त रिसाएर पूरै कड्किएको हुँ । तर, मान्छेले त शान्ति प्रक्रियाविरोधीलाई त रुचाउँदैनन् नि । एउटा सीटका निम्ति एमालेले यसो गर्‍यो भन्ने दुनियाँलाई पर्ने देखेपछि म थचक्क बसें ।’

गिरफ्तार गर्ने प्रहरीलाई कालापानी पठाइयो

त्यसैगरी कोइरालाले माओवादीका हतियार र सेनाको बन्दोदस्त नै नगरी एकैचोटि संविधानसभाको चुनावमा जान छुट दिएर दोस्रो गल्ती गरेको नेपालको विश्लेषण छ, ‘तेस्रो गल्ती, माओवादीले खुलेआम हतियार बोकेर हिँड्दा पनि गिरिजाबाबुले गिरफ्तार गर्नुभएन । गिरफ्तार गर्ने प्रहरीलाई कालापानी पठाइयो । सिंहदरबारमा यस्तै घटना भयो । नवलपरासीमा हतियार समात्ने प्रहरीलाई कारबाही गरियो । तर, म आउनेवित्तिकै मैले गिरफ्तार गर्न थालें । आफ्नो स्वार्थका निम्ति गिरिजाबाबुले छुट दिनुभयो

आगलागीमा परी दुईघर नष्ट

Voice of Gulmi

२६ पुस, खोटाङ । आगलागीमा परी खोटाङको खार्मीमा दुई घर जलेर नष्ट भएका छन् । आगलागीबाट खार्मी-४ का ओमबहादुर दाहालको तीन तले र मनबहादुर दाहालको एकतले घर जलेर नष्ट भएका हुन् ।

ओमबहादुरको गुवाली (गोठ)बाट सल्किएको आगोले ती घर जलेको स्थानीय दुर्गाकुमारी दाहालले जानकारी दिनुभयो । आगलागीमा दाहाल परिवारको अन्न, सुनचाँदी, भाँडाकुँडा, लत्ताकपडा, काठपातलगायतका सामान जल्दा ८ लाख ५० हजार रुपैयाँ बराबरको धनमाल नष्ट भएको प्रहरी नायब उपरीक्षक राजीव बस्नेतले बताउनुभयो ।

आगलागीमा ओमबहादुर र उहाँकी श्रीमती दुर्गा दाहाल घाइते हुनुभएको छ । गम्भीर घाइते बन्नुभएकी दुर्गालाई जिल्ला अस्पताल दिक्तेल लैजाने तयारी भइरहेको छ ।

आगलागीको कारण खुल्न सकेको छैन । आगलागीबाट घर तथा घरमा भएका सबैसामान जलेपछि ओमबहादुरको परिवार जलेको घरको भुइँतलामा र मनबहादुरको परिवार चित्राले बारेको छाप्रोमा बसिरहेका छन् ।

गोली हानी व्यवसायीवाट २० लाख लुटियो

Voice of Gulmi,

२५ पुस, महोत्तरी । महोत्तरीमा एक व्यवासायीलाई गोली हानी २० लाख रुपैयाँ लुटिएको छ । महोत्तरीको सर्पल्लो-७, मा मनी ट्रान्सफर सञ्चालन गर्दै आइरहेका राजदेव चौधरीमाथि अज्ञात समूहले बुधवार गोली प्रहार गरी उक्त रकम लुटेको हो । जनकपुरवाट रकमलिएर आउँदै गरेका समयमा बदिया बनचौरी-१, मा अज्ञात समूहले चौधरीको खुट्टामा गोली प्रहार गरी रकम लुटेर फरार भएका हुन् ।

लुटेराहरुले चौधरी सवार ज २ प ८६५२ नम्बरको मोटरसाइकल समेत लुटेर फरार भएका छन् । गोली लागि घाइते भएका चौधरीको जलेश्वर अस्पतालमा उपचार भइरहेको प्रहरीले जनाएको छ । घटनावारे थप अनुसन्धान र लुटेराहरुको खोजी भइरहेको प्रहरीले जनाएको छ ।

कम्बल नपुग्दै घाम लाग्यो

Voice of Gulmi,

गृहमन्त्रालयले कहिले रकम निकासा गर्ने, स्थानीय प्रशासनले त्यो रकम कहिले पाउने, रकम झिकेर कहिले कम्बल किन्ने र त्यो कम्बल कहिले बाँड्ने अझै पत्तो छैन । तर कम्बलको भर नभएपछि तराईका बासिन्दालाई घामले भने केही राहत दिएको छ । ‘हप्तौं भएको थियो घाम नलागेको, आज भने घाम ताप्न पाइएको छ’ भैरहवामा रहेका रुपन्देहीका प्रजिअ हरिकृष्ण पौडेलले भन्नुभयो ।

हुन त राजधानी र पहाडी क्षेत्रमा जस्तो तराईमा अझै राम्रोसँग घाम लाग्न सकेको छैन । तर हप्ता दिनदेखि घाम नदेखेका सर्वसाधारणले बुधबार घाम ताप्न पाए । सुनसरी, नेपालगंज, भैरहवा, नवलपरासी, चितवन, बाँके, सुर्खेत लगायतका प्रायः सबै तराई क्षेत्रमा बुधबार घाम लागेको छ । ‘अधिकाँश ठाउँमा बुधबार घाम लागेको छ, अब बिस्तारै मौसम खुल्दै जान्छ’ मौसम पुवार्नुमान महाशाखाका बरिष्ठ मौसमविद् राजेन्द्र श्रेष्ठले  भन्नुभयो ।

रूखले च्यापिएर मृत्यु

Voice of Gulmi,
बैतडी, पुस २५, सिद्धेश्वर ७ को रागाजुजौनामा रूखले च्यापिएर सोमबार दिउँसो सिद्धेश्वर ६, गैराखानका २४ वर्षीय अर्जुनसिंह भाटको मृत्यु भएको छ ।घर निर्माणका लागि सिद्धनाथ सामुदायिक वनमा काट्न लागेको रूख शरीरमाथि ढल्दा च्यापिएर भाट घाइते भएका थिए । उपचारका लागि खोड्पे बजार लैजाँदै गर्दा बाटामा उनको मृत्यु भएको स्थानीय प्रेम भाटले बताए ।

आयल निगमका पूर्व महाप्रवन्धक शर्मा भ्रष्टाचारी ठहर

Voice of Gulmi,

एक वर्ष कैद सजाय

२५ पुस, काठमाडौं । सर्वोच्च अदालतले नेपाल आयल निगमका पूर्व महाप्रवन्धक युवराज शर्मालाई भ्रष्टाचारी ठहर गरेको छ ।

प्रधानन्यायाधीश खिलराज रेग्मी र न्यायाधीश सुशीला कार्कीको संयुक्त इजलासले शमालाई भ्रष्टाचारी ठहर गर्दै एक वर्ष कैद र ५३ लाख ९९ हजार विगो तथा त्यति नै जरिवाना गर्ने फैसला सुनाएको छ

सुदूरपश्चिममा ५.५ रेक्टर स्केलको भूकम्प

Voice of Gulmi,
काठमाडौँ, पुस २५ - सुदूरपश्चिममा आज दिउँसो भूकम्पको धक्का महसूस गरिएको छ। राष्ट्रिय भूकम्प मापन केन्द्रले दिउँसो १ बजेर २९ मिनेटमा बाजुराको उत्तरी क्षेत्र केन्द्रबिन्दु रहेको ५.५ रेक्टरस्केलको भूकम्प गएको बताएको छ। बैतडी, बाजुरा, बझाङलगायतका जिल्लामा भूकम्पको धक्का महसूस गरिएको छ।

अमेरिकी भूगर्भ सर्भे (युएसजीएस) ले भने दैलेखबाट सय किलोमिटर उत्तरमा केन्द्रबिन्दु रहेको ५ रेक्टरस्केलको भूकम्पको धक्का महसूस गरिएको जनाएको छ। भूकम्पको केन्द्रबिन्दू जुम्लाबाट ६८ किलोमिटर टाढा रहेको युएसजीएसले आफ्नो वेबसाइटमा जनाएको छ।

भूकम्पबाट क्षति भए नभएको बारे खबर आइसकेको छैन।

प्रधानमन्त्रीको अभिव्यक्ति आपत्तिजनक : पत्रकार महासंघ

Voice of Gulmi,

प्रेस युनियन र चौतारीको विरोध

२५ पुस, काठमाण्डौ । दैलेखका पत्रकार डेकेन्द्र थापाको हत्याको आरोपमा पक्राउ परेका आरोपीमाथि कारबाही गरेर शान्तिप्रक्रिया भाड्न खोजेको भन्ने प्रधानमन्त्री डा बाबुराम भट्टराईले दिएको अभिव्यक्तिप्रति नेपाल पत्रकार महासंघले आपत्ति जनाएको छ ।

बुधवार विहान बसेको महासंघको आकस्मिक वैठकले प्रधानमन्त्रीको अभिव्यक्ति गैरजिम्मेवारपूर्ण भएको र दण्डहीनतालाई प्रश्रय दिनेखालको भएको ठहर गरेको महासंघका अध्यक्ष शिव गाउँलेले जानकारी दिनुभयो । प्रधानमन्त्रीको अभिव्यक्तिको विरोधमा महासंघले अपरान्ह ४ काठमाण्डौको नयाँ बानेश्वरमा शान्ति दीप प्रज्वलन गर्ने गाउँलेले वताउनुभयो । बैठकले घटनावारे थप बुझ्न महासंघको एक मिसन टोली दैलेख जाने भएको छ ।

प्रेस युनियन र चौतारीको विरोध

यस्तै काँग्रेस निकट पत्रकारहरुको संस्था नेपाल प्रेस युनियन र एमालेनिकट प्रेस चौतारीले पनि प्रधानमन्त्रीको अभिव्यक्तिको विरोध गरेका छन् । यूनियद्वारा जारी विज्ञप्तिमा हत्यामा संलग्न अभियुक्तहरुको कार्वाही प्रक्रिया रोक्न प्रधानमन्त्री बाबुराम भट्टराईले निर्देशन दिएकोप्रति आफ्नो ध्यानाकर्षण भएको जनाएको छ । युनियनका अध्यक्ष किरण पोख्रेलले वुधवार विज्ञप्ति जारी गरी जघन्य अपराधमा संलग्नहरुको कार्वाही रोक्न निर्देशन दिने भट्टराईको हर्कत प्रेस स्वतन्त्रता विरोधी मात्र नभर्इ विधिको शासन, लोकतन्त्र र सामान्य नागरिकको जीउन पाउने अधिकारमाथि ठाडो प्रहार भएको बताउनु भएको छ ।

विज्ञप्तिमा भनिएको छ ,’अपराधीहरुलाई कानुनको दायरामा ल्याउँदा प्रधानमन्त्री भट्टराईले भनेजस्तो शान्ति प्रक्रिया विथोलिने हो भने त्यस्तो शान्तिको कुनै अर्थ छैन। पत्रकार थापालाई जीउँदै गाड्ने सावीति बयान दिएका अपराधीहरुलाई उन्मुक्ति दिलाउन चाहने यस्ता मानवीय संवेदना शून्य पात्रलाई देशको प्रधानमन्त्री जस्तो गरिमामय पदमा स्वीकार गर्नुपर्दा हामी लज्जित छौ। ‘

यसैगरी प्रेस चौतारी नेपालले पनि प्रधानमन्त्रीको अभिव्यक्तिप्रति गम्भीर ध्यानाकर्षण भएको जनाएको छ । चौतारीका महासचिव विष्णु रिजालले एक विज्ञप्ति जारी गरी थापाको हत्यामा संलग्न अभियुक्तहरुमाथि कारवाहीका लागि लामो समयदेखि जारी कानुनी प्रक्रियाले ठोस आकार ग्रहण गर्न लागेको बेला त्यसलाई विथोल्ने, अघि बढ्न नदिने र सार्वजनिक रुपमै कानुनी प्रक्रियाप्रति आपत्ति जनाउने भट्टराईको क्रियाकलापप्रति आपत्ति जनाउनु भएको छ ।

 यस्तै रिपोर्टस क्लब नेपालले पनि प्रधानमन्त्रीले थापा हत्याका आरोपीलाई कारवाही नगर्न संयन्त्रलाई दिएको निर्देशन र हत्याका आरोपीलाई कारबाही नहुने भनी दिएको अभिब्यक्तिले चिन्तित बनाएको जनाएको छ । अध्यक्ष ऋषि धमलाद्वारा बुधबार जारी विज्ञप्तिमा दण्डहीनताको अन्त्य गर्ने दायित्व बोकेका प्रधानमन्त्रीबाट यस्तो कुरा आउनु मुलुक र नेपाली जनताको घोर बेईज्जत भएको उल्लेख छ । उसले लोकतन्त्र र कानूनी शासनमा सबै नागरिकको लागि कानून बराबर हुने स्थापित मान्यताविरुद्ध अनुसन्धानलाई प्रभावित पार्ने र दोषीहरुलाई उन्मुक्ति दिने कुत्सित मनसायले भईरहेका गतिविधि तत्काल रोकेर पत्रकार हत्यारालाई कारवाहीको बातावरण बनाउन माग गरेको छ ।

एमाओवादी नेता गजुरेललाई मातृशोक

Voice of Gulmi,

२४ पुस, काठमाडौँ । एकीकृत माओवादीका नेता हरिवोल गजुरेललाई मातृशोक परेको छ । गजुरेलकी आमा लालमायाको ९२ वर्षको उमेरमा मंगलबार बिहान निधन भएको हो । दम तथा निमोनियाँबाट पीडित लालमाया जेठा छोरा नारायणको बानेश्वरस्थित घरमा बस्दै आउनुभएको थियो ।

सिन्धुली कमलामाई नगरपालिकाकी स्थायी बासिन्दा गजुरेलका ७ छोरा र १ छोरी हुनुहुन्छ । गजुरेलकी आमा लालमायाको मंगलबार विहान पशुपति आर्यघाटमा अन्त्येष्टि गरिएको छ । गजुरेलप्रति अन्तिम श्रद्धाञ्जली दिन एकीकृत माओवादी अध्यक्ष प्रचण्ड, नेताहरू कृष्णबहादुर महरा, वर्षमान पुन, टोपबहादुर रायमाझी, अग्नि सापकोटा, देवेन्द्र पौडेल, जनादर्शन शर्मा, शक्ति बस्नेतलगायत ठूलो संख्यामा माओवादी कार्यकर्ता आर्यघाट पुगेका थिए ।

यसैबीच एकीकृत माओवादीले नेता गजुरेलकी आमाको निधन भएकामा गहिरो दुःख व्यक्त गरेको छ । प्रवक्ता अग्नि सापकोटाले एक शोक वक्तव्य जारी गरी पार्टीले एक कुशल अभिभावक गुमाएको  उल्लेख गर्नु भएको छ । सापकोटाले वक्तव्यमा मृतक लालमायाप्रति हार्दिक श्रद्धाञ्जली व्यक्त गर्नुका साथै शोकसन्तप्त परिवारजनमा समवेदना प्रकट गर्नुभएको छ ।

विमान नचलेपछि गृहमन्त्री गच्छदार गाडीमा

Voice of Gulmi,

२४ पुस, काठमाडौं । खराब मौसमका कारण विमान नचलेपछि बिराटनगरमा रहेका गृहमन्त्री विजयकुमार गच्छदार गाडीबाट काठमाडौं फर्कनुभएको छ ।जिल्ला प्रहरी कार्यालय मोरंगका अनुसार दुई दिन पहिले विशेष कामले विराटनगर पुग्नुभएका उपप्रधानमन्त्री गच्छदार विमान नचलेपछि सोमबार बिराटनगरबाट आफ्नै गाडीमा काठमाडौँ लाग्नुभएको हो ।

मंगलबार बिहान भने आकाश खुलेकाले विराटनगर विमानस्थलबाट बुद्ध र अग्नि एयरले उडान भरेका छन् । सोमवार दिउँसो तीन् बजे विराटनगरवाट हिडेका गच्छदार राती सर्लाहीमा बास बसेको स्रोतले जनाएको छ । दुहबी र विराटनगरमा आयोजित विभिन्न कार्यक्रममा भाग लिन दुई दिनअघि गृहमन्त्री गच्छदार विराटनगर जानु भएको थियो ।

मोटरसाइक दुर्घटना, एकको मृत्यु

Voice of Gulm
24 पुस, दाङ । दाङको तुलसीपुरमा सोमबार साँझ भएको भएको मोटरसाइकल दुर्घटनामा एक जनाको मृत्यु भएको छ । तुलसीपुर नगरपालिका १ गोठीखोलाबाट तुलसीपुर बजार तर्फ आउदै गरेको रा १ प ६७६० नम्वरको मोटरसाईकल तुलसीपुरको शिवनगरमा साँझ करिब साढे ७ बजे दुर्घटना हुदा मोटरसाईकिल चालक हेकुली ९ का ३२ वर्षका सीताराम चौधरीको ज्यान गएको इलाका प्रहरी कार्यालय तुल्सिपुरले जनाएको छ ।

मृतक चौधरी पश्चिमाञ्चल फाइनाइन्स कम्पनी लिमिटेड तुलसीपुर शाखाको कर्मचारी हुनुहुन्थ्यो । कार्यालको काम सकेर र्फकदा दुर्घटना भएको थियो । मृतको शवलाइ आज पोष्टमाटम पछि परिवारको जिम्मा लगाइने इलाका प्रहरी कार्यलय तुलसीपुरले जनाएको छ ।

चालकसहितै ट्याक्सीमा आगजनी

Voice of Gulmi, एक समूहले बसुन्धरामा सोमबार सडकमा रोकिराखेको चालकसहितको ट्याक्सीमा पेट्रोल छर्केर आगो लगाएको छ। ५-६ जनाको समूहमा रहेका उनीहरूले बा.१ज ४९९४ नम्बरको ट्याक्सीमा आगो लगाउँदा चालक पूर्णबहादुर श्रेष्ठ घाइते भएका छन्।

प्रहरीका अनुसार पुस २७ गते सरकारी बिदा माग्दै प्रदर्शन गरिरहेको समूहले एक्कासी ट्याक्सीमा आगो लगाएको हो। हात र मुख जलेका चालक श्रेष्ठको शिक्षण अस्पताल महाराजगन्जमा उपचार भइरहेको छ।
घटनामा राष्ट्रिय शिव सेना पार्टीको संलग्नता देखिएको प्रहरीले जनाएको छ। उनीहरूले पुस २७ गतेलाई राष्ट्रिय एकता दिवस कायम गर्नुपर्ने र सरकारी बिदा दिनु पर्ने माग गरेका थिए।
सोही समूहले धुम्बाराहीमा बा.१ज ७८३४ नम्बरको माइक्रोबस फुटाएको छ। सो क्रममा प्रहरीले आक्रमणमा संलग्न सञ्जीवकुमार बोहरालाई पक्राउ गरेको छ।
प्रहरीका अनुसार उनले आफूलाई पार्टीको केन्द्रीय सदस्य बताएका छन्। नागरिकबाट

चिसोले कठ्यांग्रिएर तीन जनाको मृत्यु

Voice of Gulmi,

२३ पुस, महोत्तरी । चिसोले कठ्यांग्रिएर महोत्तरी र मोरङमा गरी थप तीन जनाको मृत्यु भएको छ । महोत्तरीको जलेश्वरसँगै रहेको बजराही गाउँमा कठयाङ्गिएर स्थानीय ५५ वर्षीय रामअशेश्वर साह र ५० वर्षीया राजकुमारीदेवी मण्डलको मृत्यु भएको छ । यस्तै मोरङको राजघाट-७ खोपिडाँडाका ४५ बर्षीय टेक बहादुर कार्कीको पनि चिसोमा कठ्याङग्रीएर सोमवार विहान मृत्यु भएको प्रहरीले जनाएको छ ।
गएराति सुत्न गएका तीनै जना बिहान आ-आफ्नै घरमा मृत फेला परेका हुन् । चार दिनदेखि अविरलरूपमा चिसो हावा र शीतलहरका कारण महोत्तरीसहति तराईको जनजीवन प्रभावित भएको छ । यस वर्षमात्रै महोत्तरीमा चिसोमा कठ्याङ्गिएर मृत्यु हुनेको सङ्ख्या २० जना पुगेको छ ।

सुशील प्रधानमन्त्री बन्न नसकेको दोष सिटौलामाथि

Voice of Gulmi,

प्रचण्डलाई मात्रै प्राथमिकता दिइएको आरोप

२३ पुस, काठमाण्डौ । सहमतीय सरकार गठन गर्न प्रयाप्त भूमिका खेल्न नसकेको भन्दै सभापति सुशील कोइराला महामन्त्री कृष्णप्रसाद सिटौलासँग असन्तुष्ट हुनुभएको छ । पार्टीले सभापति कोइरालालाई सहमतीय प्रधानमन्त्रीको उम्मेदवार बनाएपछि सहमति जुटाउन सही कदम नचालेको भन्दै सभापति कोइराला महामन्त्री सिटौलासंग असन्तुष्ट रहेको स्रोतको दाबी छ ।

‘दिनहुँजसो बिहान एकपटक कोइराला निवास महाराजगञ्ज पुग्ने सिटौला केही दिनयता त्यहाँ जानै छोड्नुभएको छ ।’ स्रोतले भन्यो, ‘आजभोलि उहाँहरुवीच भेटघाट नै भएको छैन । पहिले पार्टीभित्र र बाहिरका कुराहरुमा सभापतिले सिटौलासँग छलफल र सुझाव लिनुहुन्थ्यो । तर, आजकाल त्यो न्यून भएको छ ।’ स्रोतका अनुसार सिटौलाले कोइरालाको नाममा सहमति जुटाउन सबै राजनीतिक दलका नेताहरुसंग छलफल नगरेको भन्दै कोइराला असुन्तष्ट हुनुभएको हो । स्रोतले भन्यो, ‘पार्टीले प्रधानमन्त्रीको उम्मेद्वारका रुपमा उठाइसकेपछि सिटौलालाई सहमति जुटाउनका लागि दिएको जिम्मेवारी पूरा गर्न सक्नुभएन ।

पार्टीले सिटौलालाई प्रधानमन्त्री डा बाबुराम भट्टराई, एमाओवादी अध्यक्ष प्रचण्डलगायत सबै दलका नेतासंग छलफल गरेर सहमति जुटाउने जिम्मेवारी दिएको थियो । तर त्यो पूरा गर्न नसकेकोमा सभापतिजी सिटौला र डा मिनेन्द्र रिजालसँग असन्तुष्ट हुनुभएको छ ।’

प्रचण्डलाई मात्रै प्राथमिकता दिएको आरोप

सिटौलाले सहमतिका लागि एमाओवादीका अध्यक्ष प्रचण्ड र एमाले नेताहरुसंग मात्रै छलफल गरेर गल्ती गरेको भन्दै सभापति कोइराला असन्तुष्ट बन्नुभएको स्रोतको दाबी छ । सभापति कोइरालाले सहमतिका लागि प्रधानमन्त्री भट्टराईलगायत नेकपा-माओवादीका अध्यक्ष मोहन वैद्य, मधेशी मोर्चाका नेताहरुसंग छलफल गर्न भन्नुभएको थियो । तर, सिटौलाले प्रचण्डलाई मात्रै मनाएर सहमति भइहाल्छ भन्नेेतर्फ लागेर सहमतिकै बातावरण बिगारेको भन्दै कोइराला रुष्ट भएको स्रोत दाबी छ । स्रोतका अनुसार सिटौलाले प्रचण्डसँगमात्रै छलफल गरेर बाहिर गलत सन्देश फैलाएको बुझाइ महाराजगञ्जको छ ।

सहमति जुटाउन सकिएन : सिटौला

महामन्त्री सिटौलाले आफूले प्रयास गर्दागर्दै पनि सहमति जुटाउन नसकेको बताउनुभयो । ‘सहमति जुटाउन खोज्दा पनि नसकिएपछि कतिपय मानिसले कुरा काट्नु स्वाभाविकै हो ।’ राजधानी बाहिर रहनुभएका सिटौलाले अनलाइनखबरसँग भन्नुभयो- ‘तर, यसैले गर्दा सभापतिजीसँग सम्बनध चिसिएको भन्नुचाँहि गलत हो ।’

५ वर्षपछि काठमाडौंको तापक्रम माइनसमा

Voice of Gulmi,

अझै तापक्रम घट्न सक्छ: मौसमविद

२३ पुस, काठमाडौं । काठमाडौंमा सोमबार सन् २००८ पछि पहिलो पटक तापक्रम माइनसमा झरेको छ । जल तथा मौसम पूर्वानुमान महाशाखाका अनुसार सोमबार बिहान काठमाडौंको तापक्रम माइनस शुन्य दशमलव ७ डिग्री सेल्सियस मापन गरिएको छ ।

वरिष्ठ मौसमविद राजेन्द्र श्रेष्ठका अनुसार सन् २००८ यता हिउँदमा तापक्रम माइनसमा झरेको थिएन । ‘सन् २००८ पछि तापक्रम माइनसमा पुगेको छ’ उहाँले भन्नुभयो–‘ यो अझै बढ्न सक्छ ।’ सन् २००८ मा काठमाडौंको तापक्र माइनस ० दशमलव २ मापन गरिएको थियो ।

वरिष्ठ मौसमविद श्रेष्ठका अनुसार अझै तापक्रम घट्न सक्छ । डिसेम्बर यता पानी नपरेको र तराई बाहेकका क्षेत्रमा मौसम सफा रहेकाले तापक्रम घढ्ने क्रममा चलिरहेको छ ।

काठमाडौंमा सबैभन्दा चिसो भने सन् १९७८ जनबरी ११ मा थियो । उक्त समयमा माइनस ३ दशमलव ५ डिग्रीमा झरेको थियो ।

नवलपरासीमा सवारी दुर्घटना, एकको मृत्यु

Voice of Gulmi,

२२ पुस, काठमाण्डौं । पुर्व पश्चिम राजमार्ग अन्तरगत नवलपरासीको डण्डामा गएराति भएको सवारी दुर्घटनामा एक जनाको मृत्यु भएको छ । ३ जना घाईते भएका छन् । जिल्ला प्रहरी कार्यालय नवलपरासीका अनुसार २० वर्षका प्रेम गुरुङको मध्यविन्दु सामुदायिक अस्पताल कावासोतिमा उपचारको क्रममा मृत्यु भएको हो । अन्य घाईतेहरुको सोही अस्पतालमा उपचार गरिएको छ ।

मोटरसाईकलको पछाडी बसेका शिवमन्दिरका कृष्ण गुरुङ, लु ११ प २८१९ नम्बरको मोटरर्साकलका चालक अग्यौली ५ का ४४ बर्षका प्रसाद गुरुङ, सुमन परियारको मध्यविन्दु अस्पताल कावासोतिमा उपचार भईरहेको छ । पुर्वबाट पश्चिम तर्फ आउदैँ गरेको बा ९ च ४०३९ नम्बरको कार र बा ३३ प १४४० तथा लु ११ प २८१९ नम्बरको मोटरसाईल एक आपसमा ठक्कर खादाँ चार जना घाईते भएका हुन् ।

आगोमा जलेर भक्तपुरमा तीन जनाको मृत्यु

Voice of Gulmi,

२२ पुस, भक्तपुर । भक्तपुर नगरपालिकाको वडा नम्बर १ सुर्यमणी तौलाछे आगोले जलेर तीन जनाको मृत्यु भएको छ । स्थानीय पुर्णभक्त प्रजापतिको घरमा गएराति आगलागि हुदाँ ३ जनाको जलेर मृत्यु भएको हो ।

आगोमा जलेर पुर्णभक्तकी श्रीमती ६४ वर्षीया लक्ष्मीकेशरी तथा छोरीहरु ३९ वर्षीया पार्वती र २६ वर्षीया सजना प्रजापतिको ज्यान गएको प्रहरीले जनाएको छ । पूर्णभक्त र कान्छी छोरी सृजना भने आगो लागेको थाहा पाएर बाहिर निस्कन सफल भएका थिए ।

आगोले जलेर शव चिन्न नसक्ने अवस्थामा फेला परेको जनाईएको छ । ४ तले कच्ची घरमा आगो लाग्नुको कारण र क्षतिको पुर्ण विवरण आईनसकेको प्रहरिले जनाएको छ ।

राति सवा १ बजेतिर लागेको आगो ५ ओटा दमकल, सुर्य विनायकमा रहेको नेपाली सेनाको ज्वालादल गणबाट खटीएको सैनिक टोली, प्रहरि र स्थानियबासिन्दाको सहयोगमा झण्डै २ घण्टा पछि नियन्त्रणमा लिईएको थियो ।

केरा प्रतिकोसा ३५ र सुन्तला प्रतिदाना ४० रुपैयाँ !

Voice of Gulmi,

२२ पुस, सोलुखुम्बु । पर्यटकीय सिजन सकिएसँगै सोलुखुम्बुको नाम्चेबजारमा लाग्ने साप्ताहिक हाटमा सामानको मूल्य अत्यधिक बढेको छ ।

नाम्चेबजारमा शनिबार लाग्ने साप्ताहिक हाटमा फलफूल तथा मासुको उपलब्धता कम भएको र मूल्य दोब्बरभन्दा बढी भएको स्थानीय शिक्षक खगिन्द्रराज बास्तोलाले जानकारी दिनुभयो ।

बास्तोलाका अनुसार हाटमा केरा प्रतिकोसा ४० रुपैयाँ (प्रतिदर्जन ४८०) र सुन्तला प्रतिदाना ४० रुपैयाँमा किनबेच भयो । त्यस्तै भैँसीको मासुप्रति धार्नी दुई हजार रुपैयाँका दरले बिक्री भएको छ । अघिल्लो हप्ता भैँसीको मासुको मूल्य प्रतिधार्नी बढीमा ८ सय रुपैयाँ थियो । त्यस्तै सुँगुरको मासु पनि प्रतिधार्नी चारसयले बढेर एक हजार २ सयमा किनबेच भएको छ ।

पर्यटकीय सिजन सकिएको र चिसो बढेकोले नाम्चेका अधिकांश व्यवसायी चिसो छल्न काठमाडौं गएका छन् भने उनीहरूका घर कुर्न बसेकाहरू तथा जाडो छल्न काठमाडौँ जाने क्षमता नभएकाहरू महँगीको मारमा परेका छन् ।

यस समयमा नाम्चेमा व्यापारीहरूले अन्य सामग्री पनि कम लैजाने र बाटोमा हिउँ जमेको कारण मूल्य झन्डै दोब्बर पुगेको हो । यतिबेला नाम्चे क्षेत्रमा प्रायजसो ज्यामी मजदुरी गर्नेहरू मात्र बाँकी छन् । ढुङ्गा फुटाउने, दाउरा सङ्कलन गर्नेजस्ता काम गरिरहेका ज्यामीहरू महँगीले दैनिक गुजारा गर्न समेत कठिन भएको बताउँछ

बारामा ६ वर्षीया बालिका बलात्कृत

Voice of Gulmi,

२० पुस, काठमाडौं । महिला हिंसा रोक्न माग गर्दै अधिकारकर्मीहरु आन्दोलित भइरहँदा बारामा ६ वर्षीया बालिका बलात्कृत भएकी छिन् ।

बलिरामपुर-२ घोघडरीया टोलकी बालिकालाई स्थानीय २४ वषिर्य वकिल पडित कुम्हालले बलात्कार गरेका हुन् । गाँउसंगै जोडिएको कलैया नगरपालिका वडा नम्बर १४ मा भइरहेको अष्टयाम पुजा हेर्न गएका बेला बालिकालाई कुम्हालले बलात्कार गरेको पीडितका आफन्तले बताएका छन् ।

घर पुर्‍याइदिने बहानामा कुम्हालले बालिकालाई अष्ट्रयाम पूजा स्थल भन्दा एक सय ५० मिटरको दुरीमा रहेको शीशौघारीमा लगेर बलात्कार गरेका हुन । बालिका यौनीबाट रगत बगेको देखेपछि मात्र अभिभावकले घटनाबारे थाहा पाएका थिए । घटना लगत्तै स्थानीयवासीले कुम्हाललाई नियन्त्रणमा पलएर निर्घात कुटपिट गरि प्रहरीमा बुझाएका छन ।

पीडित बालिकाको कलैया अस्पतालमा उपचार र स्वास्थ्य परिक्षण गरिएको छ । कुम्हाललाई जिल्ला प्रहरी कार्यालयले नियन्त्रणमा लिएर अनुसन्धान थालेको छ ।

पीडित बालिकाको स्वास्थ्य परिक्षण प्रतिवेदन आएपछि मात्रै बलत्कार भए नभएको पुष्टी हुने प्रहरी निरिक्षक रामनाथ घिमिरेले बताउनु भयो ।

प्रधानमन्त्री बन्न प्रचण्डलाई नगुहारे हुन्छ : शर्मा

Voice of Gulmi,

२० पुस, बागलुङ । शिक्षामन्त्री दिनानाथ शर्माले प्रधानमन्त्री बन्न एमाओवादीका अध्यक्ष पुष्पकमल दाहाल प्रचण्डलार्इ गुहार्दैमा कोही प्रधानमन्त्री बन्न नसक्ने वताउनुभएको छ । शर्माले अन्य दलहरुको सहमति नखोजी सिधै प्रचण्डलाई प्रधानमन्त्री वनाइदिन हारगुहार गरेर प्रधानमन्त्री हुने सपना कोही कसैलाई नदेख्न आग्रह गर्नु भयो ।

 क्रान्तिकारी पत्रकार सङ्घ बागलुङले शुक्रवार आयोजना गरेको पत्रकार भेटघाटमा कार्यक्रममा एमाओवादीका नेता समेत रहेका शर्माले प्याकेजमा सहमति नभएसम्म काँग्रेस सभापति सुशील कोइरालालाई प्रधानमन्त्री बनाउन नसकिने वताउनुभयो । उहाँले भन्नुभयो,’सहमति नखोजी अध्यक्ष प्रचण्डलाई प्रधानन्त्री वनाइदेउ भने केही हुनेवाला छैन । प्रधानमन्त्री वनाउने र हटाउने काम दलहरुको हो अध्यक्ष प्रचण्डको होइन । ‘

 शिक्षामन्त्री शर्माले प्रतिपक्षी दलकै कारण वर्तमान सरकारको आयू लम्बिएको वताउनुभयो । उहाँले संविधानसभाको पुनःस्थापना गरेर संविधान जारी गरौँ वा मंसिरमै निर्वाचन गरौँ भन्दा नमानेर विपक्षी दलहरुले अवरोध गरेपछि वर्तमान सरकारको आयु लम्बिएको स्पष्ट पार्नु भयो । शर्माले पछिल्लो एक वर्ष माओवादीका लागि फाइदाको वर्ष भएको टिप्पणी गर्नुभयो ।

 शर्माले मुलुकलाई निकास दिन संविधानसभाको पुनःस्थापनामार्फत विवादित विषयलाई टुङ्गाएर नयाँ सरकार गठन वा विगतको संविधानसभाले टुङ्ग्याएका विषयहरुलाई संस्थागत गरेर नयाँ चुनावमा जानु पर्नेमा जोड दिनुभयो ।

गुल्मीका महिलाले प्रधान मन्त्रीलाइ चश्मा उपहार

Voice of Gulmi,

अनिल खत्री गुल्मी पौस २०
२१ औ शताब्दीमाको समतामुलक समाज निमार्ण हुन लागेको अबस्थामा देशका बिभन्नि क्षेत्रमा भएका महिलामाथिका जघन्य हिंसात्मक घट्नाहरुले सदियौदेखि महिला हक हित र अधिकार लागि लड्दै आइरहेको नेपाल महिला संघ गुल्मीले अत्यन्त स्तब्ध एबं सम्बन्धीत घटनाहरुप्रति गम्भीर ध्यानाकर्षण भएको भन्दै शुक्रबार एक बिज्ञप्ती जारी गदै प्रमुख जिल्ला अधिकारी मार्फत प्रधान मन्त्रीलाइ बिज्ञप्ति पत्र बुझाएका छन । यस्ता खाले घटना दोहोरिइ रहदा पनि नदेख्ने सरकारलाइ चश्मा उपाहर प्रदान गरेको नेपाल महिला संघ गुल्मीकी अध्यक्ष बिष्णु सापकोटा द्धारा हस्ताक्षेरित बिज्ञप्तिमा उल्लेख गरिएको छ

बेलायतमा पक्राउ परेका कर्णेलबारे परराष्ट्रमा छलफल

Voice of Gulmi,

२० पुस, काठमाठडौं । बिहीबार बेयालतमा पक्राउ परेका नेपाली सनेाका कर्णेल कुमार लामाका सम्बन्धमा काठमाडौंस्थित परराष्ट्र मन्त्रालयलमा छलफल शुरु भएको छ । नेपाल सरकारलाई कुनै जानकारी नदिई नेपाली सैन्य अधिकारीलाई त्यसरी पक्राउ गरिएकोमा परराष्ट्रमन्त्री नारायणकाजी श्रेष्ठले आक्रोश प्रकट गर्नुभएको छ ।
परारराष्ट्र मन्त्रालयले यसबारे नेपालस्थित बेलायती दूतावासलाई स्पष्टीकरण सोध्ने तयारीसमेत गरेको स्रोत बताउँछ । लामाको गिरफ्तारीबारे अपरान्ह परारष्ट्र मन्त्रालयले पत्रकार सम्मेलन गर्ने भएको छ ।
सुडान मिसनमा कार्यरत कर्णेल लामालाई श्रीमती भेट्न गएका बेला लण्डनको प्रतिआतंकवादविरोधी मेट्रो प्रहरीले मानवअधिकार उल्लंघनको अपराधमा पक्राउ गरेको हो । पक्राउ बारे नेपाल सरकारलाई कुनै जानकारी गराइएको थिएन ।

सिन्धुलीको कर्फ्यु १२ बजे पछि खुल्ने

Voice of Gulmi,

२० पुस, सिन्धुली । सिन्धुली सदरमुकाम सिन्धुलिमाढीमा बिहीबार अपराहृनबाट लगार्इएको कफ्र्यू आज १२ बजेपछि खुल्ने भएको छ ।

बिहान २ घन्टाका लागि हटार्इएको कर्फ्यु अवधि सामान्य भएकाले १२  बजे पछि  कफ्र्यू हटाउने निर्णय गरेको प्रमुख जिल्ला अधिकारी केशवराज आचार्यले जानकारी दिनुभयो ।

कारगारभित्र भएको झडपमा ज्यानमुद्दामा जेल सजाय भोगिरहेका तरुण दलका कार्यकर्ता निरज देवकोटाको मृत्यु भएपछि सदरमुकाम तनावग्रस्त बनेको थियो । कांग्रेस कार्यकर्ता र स्थानीयको प्रदर्शनका कारण तनाब बढेपछि स्थानीय प्रशासनले बिहीबार अपराहृनबाट कफ्र्यू जारी गरेको थियो ।

माओवादीको बन्दले जनजीवन प्रभावित

Voice of Gulmi,

२० पुस, बुटबल । नेकपा-माओवादीका अवध राज्य समिति सदस्य शैलेश तिवारीको प्रहरी हिरासतमा भएको मृत्युको विरोधमा आहृवान गरेको बन्दका कारण तराईका तीन जिल्ला रुपन्देही, नवलपरासी र कपिलवस्तुको जनजीवन प्रभावित भएको छ ।

बन्दका कारण बिहानैदेखि यस क्षेत्रमा लामो तथा छोटो दूरीका कुनै पनि सवारीका साधन चलेका छैनन् । माओवादी कार्यकर्ताहरु बन्द गराउन बिहान ६ बजेदेखि सडकमा निस्केका छन् । उनीहरुले चोकचोकमा भेला भई यातायातका साधन सञ्चालनमा अवरोध पुर्‍याएका छन् ।

बन्दकर्ताहरुले बिहानै बुटवलमा लु१ख ७५३१ नम्बरको ट्रकमा तोडफोड गरी क्षति पुर्‍याएका छन् । बुटवल तथा भैरहवा क्षेत्रबाट छुट्ने सवारीसाधनहरु नचल्दा यात्रीहरुले सास्ती बेहोर्नु परेको छ । त्यस्तै बजार, शिक्षणसंस्था, उद्योग, कलकारखाना पनि बन्दको मारमा परेका छन् । बन्दको प्रभाव कपिलवस्तु र नवलपरासीमा पनि परेको छ ।

माओवादीले आफ्ना कार्यकर्ताको मृत्युको विरोधमा हिजो आन्दोलनका कार्यक्रम सार्वजनिक गरेको थियो । पार्टी महाधिवेशन तयारीको प्रचारप्रसारका क्रममा रुपन्देहीको रोहिणीहवा पुगेका तिवारी प्रहरी हिरासतमा रहेको बेला बेहोस भएपछि अस्पताल पुर्‍याइएकोमा मेडिकल कलेजले उनलाई मृत घोषणा गरेको थियो ।

रुपन्देही फरेना- २ का ३५ वर्षका तिवारीको उच्च रक्तचापका कारण मृत्यु भएको रुपन्देही प्रहरीले दाबी गरेको छ ।

कारबाहीको माग गर्दै थानकोट नौविसे सडक अवरुद्ध

Voice of Gulmi

२० पुस, काठमाण्डौं । थानकोटमा ६ बर्षकी बालिका माथि भएको यौन दुरव्यवहारको विरोधमा अहिले स्थानीयबासीले काठमाण्डौं नौबिसे सडकखण्ड अवरुद्ध गरेका छन् । उनीहरुले दोषीलाई कडा भन्दा कडा कारबाही गर्न माग गर्दै यातायात सेवा अवरुद्ध गरेका हुन् । स्थानीय २६ बर्षका सुमन श्रेष्ठले ६ बर्षकी बालिकालाई यौन दूरव्यवहार गरेका थिए । बालिकाको क्रान्ति बाल अस्पतालमा उपचार भइरहेको छ ।

स्थानीयबासीले थानकोट चौकीमा प्रदर्शन जारी रोखका छन् ।

कालिमाटीमा बस दुर्घट्ना, २ को निधन

Voice of Gulmi,काठमाडौ, पुस २० - कालिमाटीमा शुक्रबार बिहान भएको बस दुर्घट्नामा २ जनाको निधन भएको छ । कलंकीबाट कालिमाटी तर्फ आउँदै गरेको बा ३ ख ९८५ नम्बरको मिनी बस बिहान ६ बजे अनियन्त्रित भइ सडक डिभाइडरमा ठोक्किएर पल्टिएको हो ।

प्रहरीका अनुसार दुर्घट्नामा परी मिनिबसका सहचालक ओखलढुंगाका विजय गुरुङ र यात्रु गोरखा घर भएका २० वर्षीय प्रकाश पन्तको निधन भएको हो । २ जना गम्भीर घाइते छन् । महानगरीय ट्राफिक महाशाखाले दिएको जानकारी अनुसार नैकापका ४० वर्षीय मनोज केसी र नेपाली सेनामा कार्यरत २८ वर्षीया बिनु पोखरेल घाइते छन् । केसीको वीर र पोखरेलको सैनिक अस्पतालमा उपचार भइरहेको छ ।

क्षमता भन्दा बढी यात्रु चढाएको बस तिव्र गतीमा भएका कारण दुर्घट्ना भएको ट्राफिकको ठम्याई छ । चालक फरार छन् ।

सुदुरपश्चिममा ४.७ रेक्टर स्केलको भुकम्प

                                                                                                                                                                   

प्रधानमन्त्रीले नेपाललाई भने-तेस्रो विकल्पमा जाउँ

Voice of Gulmi,

१८ पुस, काठमाडौं । प्रधानमन्त्री डा. बाबुराम भट्टराईले एमाले वरिष्ठ नेता माधवकुमार नेपाललाई निवासमै भेटेर सहमतीय सरकार गठनमा तेस्रो विकल्पमा जान प्रस्ताव गर्नु भएको छ ।

बुधबार बिहान नेपाल निवास कोटेश्वर पुग्नुभएका प्रधानमन्त्री भट्टराईले एमाओवादी र कांग्रेसले एक अर्कालाई स्वीकार गर्ने अवस्था नरहेको भन्दै तेस्रो विकल्पमा गएर भए पनि मुलुकलाई निकास दिनु पर्ने बताउनुभयो । ‘कांग्रेस र कोइरालाको नेतृत्व हामीले स्वीकार गदैनौं । तपाईहरु मेरो नेतृत्वमा आउन मान्नु भएन’ प्रधानमन्त्रीको भनाई उदृत गर्दै नेता नेपालले भन्नुभयो-’अब तेस्रो विकल्प जाउँ भनेर उहाँले प्रस्ताव राख्नुभयो । तेस्रो विकल्पमा जाँदा साना दल र स्वतन्त्र व्यक्तिको नेतृत्व स्वीकार्य रहने प्रधानमन्त्रीको भनाइ थियो ।

जवाफमा एमाले नेता नेपालले भने एमाओवादीकै आग्रह अनुसार कांग्रेसले पार्टी सभापति सुशील कोइरालालाई उम्मेदवार बनाएको भन्दै कोइरालाकै नेतृत्वमा सरकार गठन गर्नु पर्नेमा जोड दिनुभएको छ । नेपालले निर्वाचनको सुनिश्चिततासहित सहमतिमा आउन वा सहमतिका लागि स्वीकार्य प्रस्ताव ल्याउन आग्रह गर्नुभएको छ ।

नेता नेपालले एमाओवादीका उपाध्यक्षसमेत रहेका प्रधानमन्त्री भट्टराईलाई आगामी वैशाख-जेठमा चुनाव गर्न तयार भए नभएको प्रश्न गर्नु भएको थियो । ‘मैले चुनाव जान तयार हो भनेर सोधे, उहाँले हो भन्नुभयो’ नेता नेपालले भन्नुभयो-’वैशाख- जेठमा चुवान गर्न तयार हो भनेर सोध्दा उहाँले त्यसकै लागि प्रस्ताव लिएर आएको बताउनुभयो ।’

एमाले नेतान नेपालसँग तमलोपाका अध्यक्ष महन्थ ठाकुरले पनि भेट्नु भएको छ । नेपाल निवास कोटेश्वरमा भएको भेटमा प्रधानमन्त्रीको प्रस्तावबारे छलफल भएको नेपालको निजी सचिवालयले जनाएको छ

किन सफल भएन लुम्बिनी भ्रमण बर्ष ?

Voice of Gulmi,

१८ पुस, काठमाडौं । भर्खरै बिदा भएको सन् २०१२ का लागि सरकारले चारवटा मुख्य महत्वाकांक्षी कार्यक्रम सार्वजनिक गरेको थियो ।

लगानी वर्ष, लुम्बिनी भ्रमण वर्ष, सहकारी वर्ष र कर संकलन वर्ष । कर संकलनमा केही चेतनामुलक कार्यक्रम देखिएपनि अरु कार्यक्रम निष्प्रभावी देखिए । लगानी वर्षमा विदेशी लगानीकर्तालाई आकषिर्त गर्न नसकिएजस्तै लुम्बिनी भ्रमण वर्षमा पनि सोचेजति पर्यटक भित्र्याउन सकिएन ।

सरकारले सन् २०१२ मा लुम्बिनीमा १० लाख पर्यटक भित्र्याउने लक्ष्य लिएको थियो । तर साढे सात लाख पर्यटक मात्र लुम्बिनी भ्रमणमा आएका छन् । लुम्बिनी विकास कोषका अनुसार सन् २०१२ मा सातलाख ५८ हजार २ सय ६९ पर्यटकले लुम्बिनी भ्रमण गरेका छन् । ‘यो पोहोरको तुलनामा झण्डै ३० प्रतिशतले बढी हो’ कोषका सञ्चार अधिकृत हरिध्वज राईले भन्नुभयो-’लक्ष्यअनुसार नभएपनि यसलाई हामीले सन्तोषजनक तथ्याँकको रुपमा लिएका छौं ।’

तर, सबैलाई यस्तो लाग्दैन । ‘तथ्यांक बढे पनि यो सन्तोषजनक हैन’ नेपाल पर्यटन बोर्डका प्रवक्ता आदित्य बरालले अनलाइनखबरसित भन्नुभयो । तथ्यांकमा विदेशी भन्दा नेपाली पर्यटक बढेको देखिएको छ ।

समन्वयको अभाव

यसअघि सन् २०११ मा पर्यटन वर्ष घोषणा हुँदा सरकारी र निजी क्षेत्रले उत्तिकै प्राथमिकता दिएका थिए । देशविदेशमा उत्साह थियो । ‘सरकारले पर्याप्त रकम पनि छुट्याएको थियो र कामको बाँडफाँड समेत भएको थियो’ पर्यटन बोर्डका प्रवक्ता बरालले भन्नुभयो-’अहिले हल्ला मात्रै भयो, काम भएन ।’

आपसी समन्वय र जिम्मेवारी बाँडफाँडको अभावले लक्ष्य अनुसार काम हुन नसकेको उहाँको भनाई छ । ‘सबैले आआफ्नै पाराले काम गरे, तर समन्वय भएन’ बरालले भन्नुभयो-’त्यसैले लुम्बिनीमा लक्ष्य अनुसार पर्यटक आउन सकेनन् ।’

महत्वपूर्ण काम

लुम्बिनी भ्रमण वर्षका अवसरमा केही महत्वपूर्ण काम गरिएको लुम्बिनी विकास कोषले जनाएको छ । यसअघि चीन र कोरियाका स्कूल तथा कलेजका पाठ्यक्रममा गौतमबुद्ध भारतमा जन्मेको भन्ने उल्लेख थियो । भ्रमण वर्षमा कुटनीतिक पहलमार्फत यो पाठ्यक्रम परिवर्तन गरिएको छ । ‘अब चीन र कोरियाका पाठ्यक्रममा बुद्ध भारतमा होइन, नेपालको लुम्बिनीमा जन्मिएका हुन् भनेर पढाई हुन थालेको छ’ कोषका सञ्चार अधिकृत राईले भन्नुभयो ।

यस्तै भ्रमण वर्षकै अवसरमा देशको पूर्वदेखि पश्चिमका बिभिन्न एकसय ८ ठाउँमा दूरी माइलस्टोन राखिएको छ । अर्थात ‘लुम्बिनी आउन……किलोमिटर बाँकी’ भनेर ठाउँठाउँमा राखिएको छ । बिभिन्न देशका अन्तर्राष्ट्रिय विमानस्थलमा लुम्बिनी र नेपालको बारेमा होर्डिङबोर्ड राख्ने योजना भएपनि त्यो भने सफल हुन सकेन । ‘कुटनीतिक पहल गर्नुपर्ने र जुनसुकै ठाउँमा पनि होर्डिङबोर्ड राख्न नपाइने भएकाले यो योजना सफल हुन सकेन’ राईले भन्नुभयो ।

१४ वर्षदेखि फरार अभियुक्त गुल्मी प्रहरीले समात्यो

Voice of Gulmi

पौष १८, गुल्मी । गाउँलेलाई छुरी हानेर १४ वर्षअघि फरार अभियुक्तलाई गुल्मी प्रहरीले हिजो बुधवार पक्राउ गरी जेल चलान गरेको छ । २०५५ साल भदौ ९ गते दर्लामचौर गाविस ९ निबासी कृष्ण बहादुर पछाईँलाई छुरा प्रहार गरी भागेका सोही गाविस १ का ४८ वर्षिय रीख बहादुर सार्कीलाई जिल्ला प्रहरी कार्यालय गुल्मीले पक्राउ गरेको हो ।
घटनाको २ दिनपछि ज्यान मार्ने उद्येगमा मुद्धा दायर गरीएअनुसार अदालतले निजलाई २०५६ साल असार २९ गते ५ वर्ष कैदको फैसला गरेपनि अभियुक्त फरार रहेको र हिजो बुधवार विशेष सुराकीका आधारमा सदरमुकाम तम्घासबाटै पक्राउ गरीएको प्रहरी नायव उपरीक्षक गुरुविष्णु काफ्लेले जानकारी दिनुभयो ।
दिउँसो तीनबजे सदरमुकाममा पक्राउ गरी अदालत पेश गरीएका उनलाई अदालतले ५ वर्षका लागी जेल चलान गरेको छ । अभियुक्त नेपाली यतिका वर्षदेखि कहिले गाउँ र कहिले सदरमुकाममा मजदुरी गर्दै आएपनि प्रहरीको नजर अहिलेसम्म पर्न सकेको थिएन । केहीदिन अघि प्रहरी प्रमुख काफ्लेले जिम्मेवारी सम्हाले लगत्तै वर्षौ पुराना अभियुक्त पक्राउ गरी जेल चलान गरीएको थियो ।

प्रचण्ड र बाबुरामभन्दा अमेरिकी बब खतरनाक : अफगान माओवादी

Voice of Gulmi,१८ पुस, काठमाडौं । अन्तरराष्ट्रिय कम्युनिष्ट आन्दोलन (रिम)को सदस्य रहेको अफगानिस्तानको माओवादी पार्टीले नेपालका प्रचण्ड र बाबुरामभन्दा अमेरिकी माओवादी नेता बब अभायकिन खतरनाक रहेको निश्कर्ष निकालेको छ । आरसीपी अमेरिकाले नेपालका माओवादीबारे गरेको पत्राचारको जवाफ दिनेक्रममा आफगान माओवादीले प्रचण्ड, बाबुराम र बब तीनैजनालाई ‘उत्तर मालेमावादी संशोधनवादी’ को संज्ञा दिएको छ ।

‘सैद्धान्तिक हिसाबले प्रचण्ड र बाबुरामको संशोधनवादभन्दा पनि आरसीपी अमेरिकाका नेता अभायकिनको संशोधनवाद गहिरो र फराकिलो छ । तर, आधारभूत रुपले प्रचण्ड, बाबुराम र अभायकिनको उत्तर मालेमावादी संशोधनवादमा कुनै भिन्नता छैन ।’ – रिमसँग भर्खरै विद्रोह गरेर नयाँ अन्तराष्ट्रिय माओवादी संगठन बनाउने पहलमा लागेको अफगान माओवादीले बबलाई लेखेको पत्रमा भनेको छ । ‘यो तथ्य हो कि रिमलाई विघटन गर्न प्रचण्ड बाबुरामले महत्वपूर्ण भूमिका खेले । तर, अभायकिनको भूमिका पनि कम रहेन ।’

आफगान माओवादीले रारसीपी अमेरिकाका नेता अभायकिनले रिमका सदस्यमाथि ‘सुपरपावर’ को ‘हेजिमोनी’ देखाएको र आफ्नै पार्टीभित्रको अन्तरसंघर्षमा आफ्नो दलका नेता माइक एलीलाई हटाएको आरोपसमेत लगाएको छ । बबले अघि सारेको ‘न्यू सेन्थेसिस’ (नयाँ संश्लेषण) सिद्धान्तलाई प्रचण्डपथ र गोञ्जालो विचारधाराजस्तै ‘अभायकिनपथ’ को संज्ञा दिएको छ । यसलाई एक्काइशौं शताब्दीको संशोधनवादको उपमासमेत दिएको छ ।अफगान माओवादीका अनुसार पेरुकोभन्दा नेपालको माओवादी जनयुद्धमा देखिएको विचलन खतरनाक छ । र, यसविरुद्ध जुध्नु आफ्नो पार्टीको कर्तव्य भएको बताएको छ ।

अफगानी माओवादीले प्रचण्ड र बाबुरामको ‘संशोधनवाद’ विरुद्ध विद्रोह गरी नेकपा-माओवादी गठन भएकोमा खुशीसमेत प्रकट गरेको छ । त्यसैगरी जनयुद्धकालमा प्रचण्ड र बाबुरामले भारतलाई चिठी लेखेकोमा विरोध गर्दै आएको वैद्यपक्षीय माओवादीले अफगान लगायत विश्वभरिका माओवादीसँग भित्रभित्रै सम्बन्ध गाँस्ने प्रयत्न गरिरहेको छ ।

रिमको पुनर्गठन गर्ने सहमति

यसैवीच बाबुराम, प्रचण्ड र बब अभायकिनका कारण अन्तरराष्ट्रिय कम्युनिष्ट आन्दोलन -रिम) विघटन भएको भन्दै गत नोभेम्बर २४ मा हम्बर्ग जर्मनीको ह्याम्बर्गमा २५ देशका माओवादी पार्टी र संगठनको सहभागितामा माओवादी पार्टी र संगठनहरुको अन्तरराष्ट्रिय सम्मेलन भएको र त्यहाँ भारतीय जनयुद्धको समर्थनमा ऐक्यवद्धता जनाइनुका साथै माओवादी पार्टीहरुको नयाँ अन्तरराष्ट्रिय संगठन बनाउने सहमति भएको खुलासासमेत भएको छ ।

सन् १९८४ मा १७ देशका माओवादी पार्टी र संगठन मिलेर अन्तराष्ट्रिय कम्युनष्टि आन्दोलन (रिम) गठन गरिएको थियो । जनयुद्धकालदेखि नै नेपालको माओवादी रिमको सदस्य थियो । अहिले पनि एमाओवादी र माओवादी दुबैले आफ्ना दस्ताबेजमा रिमसँग सम्बन्ध विकास गर्ने बताएका छन् । तर, रिम फुटिसकेको र विश्वका अधिकांश पार्टीहरु नेपाल र अमेरिकाका माओवादी नेताको विरोध गर्दै भारतीय माओवादीको समर्थनमा खुलेर लागेका छन् । भाकपा माओवादी पनि यसअघि रिमको सक्रिय सदस्य थियो ।

थाइल्याण्डमा रहँदा देशको चिन्ताले सतायो: प्रचण्ड

Voice of Gulmi,

१८ पुस, काठमाण्डौ । एकीकृत नेकपा माओवादीका अध्यक्ष प्रचण्डले आफू दुई दिन थाइल्याण्डमा रहँदा देशको चिन्ताले सताएको बताउनुभएको छ ।

पत्नी सीताको स्वास्थ्योपचारका लागि सोमबार थाइल्याण्ड जानुभएका प्रचण्डले बुधबार स्वदेश फर्कने क्रममा त्रिभुवन अन्तर्राष्ट्रिय विमानस्थलमा पत्रकारसंग यस्तो बताउनुभएको हो ।राष्ट्रपतिले दिएको पछिल्लो पटकको पाँच दिनको समयसीमा सकिन दूई दिन बाँकी रहेकाले सकभर दुई दिनभित्रै सहमति जुटाउन आफूले प्रयास थाल्ने प्रचण्डले बताउनुभएको छ ।

उहाँले भन्नुभयो,’ अब फेरि पार्टीहरुसंगको छलफल सुरु हुन्छ । मलाई के आशा छ भने अझै दुई दिन बाँकी छ, दुई दिनभित्र के कति हुन्छ त्यो त हेर्नुपर्छ । पक्कै पनि दलहरु जसरी नि सहमतिमा जानै पर्छ । ‘प्रचण्डले नेपालमा विकासको सम्भावना धेरै भए पनि चुनौतीको सामना गर्न पार्टीहरु सफल नभएकाले जताततै चिन्ता बढेको बताउनुभयो । ‘बाहिरबाट हेर्दा र बाहिरका मान्छेहरुको कुरा सुन्दा सम्भावना धेरै देखिन्छ, तर सहमति हुन नसकेकोमा नेपालीहरु र विदेशीहरुमा पनि उत्तिकै चिन्ता छाएको छ । त्यसैले जसरी पनि दलहरुले सहमति जुटाउनुपर्छ ।’

नागरिक समाजको प्रधानमन्त्रीबारे चर्चा चलिरहेका बेला प्रचण्डले पार्टीहरुवीच सहमति जुटाउन र पार्टीहरुकै नेतृत्वमा निर्वाचन गराउन कोशिश गर्ने बताउनुभयो । उहाँले भन्नुभयो,-’हाम्रो पहिलो कोशिश दलहरुकै नेतृत्वमा सहमति जुटाउनमै हुन्छ । यदि त्यसमा सहमति हुन सक्दैन भने कहाँ हुन सक्छ, त्यहाँ सहमति गर्ने कुरामा हाम्रो आपत्ति हुँदैन ।’

प्रचण्डको दुखेसो

आफूले सकारात्मक कुरा गरे पनि त्यसलाई भत्काउन प्रयास भइहाल्ने भन्दै प्रचण्डले दुखेको पोख्नुभएको छ । उहाँले भन्नुभयो,’मैले अहिले सकारात्मक कुरा गरेँ भने त्यसलाई भत्काउने प्रयास भइहाल्छ । त्यसैले सहमतिका लागि म अहिले केही भन्न सक्दिँन ।’ तर, प्रचण्डले दलहरुवीच बाँकी रहेको दुई दिनभित्र सहमति जुट्ने विश्वास व्यक्त गर्नु भएको छ ।

रक्सी धोकेर बबाल मच्चाउनेमा महिला बढि

Voice of Gulmi,

नयाँ वर्ष कसैलाई खुसी लिएर आउँछ त कसैलाई पिडा । नयाँ वर्ष मनाउने आ-आफ्नै तरिका हुन्छन । समयसँगै खुसी मनाउने तरिकामा पनि परिर्वतन आएको छ । आम रुपमा हेर्ने हो भने खुसीमा पुरुषहरु नै बढी मात्तिएको पाइन्छ ।

तर, अब महिलाहरु पनि कम रहेनन् । चाहे टिल्ल हुने गरी पिएर सडकमा बबाल गर्न नै किन नहोस् । डेलिमेलका अनुसार नयाँ वर्षको जोशमास्वान्सीदेखि न्यूक्यासलसम्म बर्मिङघमदेखि लिभरपुलसम्म सडकमा जवान केटा केटीहरुले उत्पात्त पच्चाएका छन् । यतिसम्मकी सडकमा बबाल मच्चाउन केटाहरुलाई केटीहरुले माथ गरिदिए ।

प्रहरीका अनुसार नयाँ वर्षमा सडकमा टिल्ल भएर बबाल गर्नेमा पुरुषभन्दा महिला बढी थिए । उनीहरुलाई सम्हाल्न मुस्किल थियो । कोही मात्तिएर सडकमा लडिरहेका थिए, भने कोही केटा साथीसँग लरखराउँदै हिडिरहेका थिए । कोही भने सडकमा रहेको गमला फुटाउँदै थिए । उनीहरुलाई सम्झाउन आउनेहरुलाई उल्टै तथानाम गाली गर्नसमेत पछि परेनन् ।

उनीहरुले हद नाघेर आफ्नो कपडा समेत खोल्न थापेपछि प्रहरीले नियन्त्रणमा लिएको समाचारमा उल्लेख छ ।

अनेम संध गुलमीले भोलि अर्थात बिहिबार गुल्मी मा चक्का जाम गर्ने

Voice of Gulmi,

Anil Khatri

अनेम संध गुलमीले भोलि अर्थात बिहिबार मध्यन्न १२ बजे बाट १ बजे सम्म गुल्मी मा चक्का जाम गर्ने भएको अनेम संघ गुल्मीकी अध्यक्ष ललिता गौतमले जानकारी दिनुभयो

गुल्मीबाट ५ महिनामा २२ सयले पास्पोर्ट बनाए, झन्डै सवा करोड राजश्व उठ्यो

Voice of Gulmi,गुल्मी । जिल्ला प्रशासन कार्यालय गुल्मीले गत वर्षभन्दा यसवर्ष राजस्व उल्लेख रूपमा संकलन गरेको छ । चालू आर्थिक वर्षको ५ महिनाको अवधिमा १ करोडभन्दा बढी राजस्व संकलन भएको प्रमुख जिल्ला अधिकारी कविन्द्र नेपालले बताउनुभयो।

राहदानी बनाउने बढेकोले त्यसबाट बढी राजस्व संकलन भएको नेपालले बताउनुभयो । साउनदेखि मंसिर महिनासम्म २ हजार २ सय ३५ जनाले राहदानी बनाएकोले १ करोड १३ लाख रुपियाँ राजस्व संकलन भएको प्रशासनले जनाएको छ।

त्यसै गरी नयाँ नागरिकता, प्रतिलिपी, संस्था दर्ता तथा नवीकरण, जरीवानालगायतबाट ५ लाख ८८ हजार ७ सय ९१ रुपियाँ राजस्व संकलन भएको छ। गत वर्ष १ वर्षको अवधिमा जम्मा ५ लाख ७९ हजार ७ सय ७९ रुपियाँ मात्र राजस्व संकलन भएको थियो। मादक पदार्थ सेवन गर्नेहरूलाई कारवाही अभियान तीव्र पारेको प्रशासनले ५ महिनाको अवधिमा ७६ जनालाई कारवाही गरी ७६ हजार रुपियाँ राजस्व संकलन गरेको छ । -नेपाल समाचारपत्र

कांग्रेस कपिलवस्तुले डेढ बर्षपछि पुर्णता पायो

Voice of Gulmi,

नेपाली कांग्रेस कपिलवस्तु जिल्ला कार्यसमितिले पुर्णता पाएको छ । निर्वाचन भएको डेढ बर्ष पछि समितिले पुर्णता पाएको हो । जिल्ला उपाध्यक्ष सहित सचिव र सदस्य पद रिक्त रहेको थियो जिल्ला कार्य समिति वैठक वसि कार्य समितिलाई पुर्णता दिइएको जिल्ला सभापति सुरेन्द्र आचार्यले जानकारी दिए । कार्यसमितिको पुर्णतापछि जिल्ला उपाध्यक्षमा महिला नेतृ निर्मला पराजुलीलाई मनोनयन गरिएको छ । त्यस्तै जिल्ला सचिवमा विनोद नेपाल मनोनित भएका छन् । समितिले जिल्ला सदस्यमा जनजाति नेता राम शंकर चौधरीलाई जिल्ला कार्य समितिको वैठकवाट बहुमतले मनोनय गरिएको जिल्ला सभापति आर्चायले बताए । साथै जिल्ला सदस्य तेज बत्रहादुर थारुको निधन पछि रित्त रहेको जिल्ला सदस्य पदमा कोपवा गाविसककी मञ्जु थारुलाई समेत मनोनयन गरिएको छ । अव काग्रेस कपिलवस्तुमा कार्यसमिति पुर्ण भई ३७ सदस्य भएको छ ।

१८ घण्टा पछि फोन सेवा सुचारु

Voice of Gulmi,

अनिल खत्री गुल्मी पौस १८
गुल्मी र आसपासमा क्षेत्रहरुमा नेपाल टेलिकम का ल्यान्डलाइन फोन ,सिडिएमए,पोस्टपेट,प्रिपेट एडिएस एल नेट सेवा बुधवार बिहान १० बजे बाट सुचारु भएको छ ।
मंगलवार दिउसो ३ बजे बाट पाल्पाको रैथुम भन्ने स्थानमा रहेको टावरमा समस्याआउदा अबरुद्ध बनेका नेपाल टेलिकम गुल्मी शाखाका प्रमुख उमानाथ पोखरेलले जानकारी दिनुभयो । अबरुद्ध ल्यान्डलाइन फोन ,सिडिएमए,पोस्टपेट,प्रिपेट एडिएस एल नेट सेवा बुधवार बिहान १०.३० बजे बाट सुचारु भएको छ

कपिलवस्तु बन्दले जनजीवन प्रभाबि

Voice of Gulmi,किसानहरुलाई प्रहरी प्रशासनले अनावश्यक दुःख दिएको भन्दै आन्दोलित मधेसी जनअधिकार फोरम नेपाल कपिलवस्तुले बुधवार कपिलवस्तु बन्दको् आब्हान गरेको छ । बन्दको कारण विद्यालय, यातायात सूचारु हुन सकेको छैन । प्रहरी प्रशासनले नेपाल भारत सिमा क्षेत्रमा सामान्य विषयलाई लिएर किसानलाई सास्ती दिएकोमा फोरम नेपालको आरोप छ । खेतमा उत्पादन गरेको तरकारी मोटरसाईकलमा लोड गरेर ल्याउदै गरेका कृषक, सर्वसाधरण जनता माथी प्रहरी प्रशासनले ज्यादती गरेको बिरोधमा आन्दोलन गर्नु परेको जिल्ला अध्यक्ष अब्दुल रसिद खाँ ले बताए । जिल्लाका विभिन्न क्षेत्रवाट कार्यकर्ताहरु चोक चोकमा जम्मा भई बन्द गराउँदै हिडेका छन् । किसानलाई दुःख दिएको भन्दै स्थानिय प्रहरी र प्रशासनको चर्को आलोचना समेत गरेका छन । किसानहरुको समस्या प्रति प्रहरी प्रशासन सकारात्मक नभए थप आन्दोलनका कार्यक्रम सार्बजनिक गर्ने फोरम नेपाल कपिलवस्तुले जनाएको छ ।

‘१६ दिन पछि माग सम्बोधन ’ अनिस्चतकालिन धर्नामा बसेका ५० बढी भुमिहिन बिरामी

Voice of Gulmi,

 ‘१५ दिन भयो  चिसोमा धर्ना बसेको बिरामी परेर ५ दिन त अस्पताल नै भर्ना हुनु प¥यो हजर’  बुटवल ८ की दिलमाया नेपालीले दुखेसो पोख्दै भनिन्  तपाईहरुलाई पनि थाहा छैन हामीले कुन अबस्थामा रात काटेका छौ भनेर ।’
उनले १५ दिन सम्मको पिडा सुनाउँदै भनिन् ‘  खान बस्नको लागि वास छैन बसेको बस्ती सरकारले हडप्न  खोज्छ   कुरा कसैले सुन्दैनन् गरिब दुःखी भनेर सबैले हेला गरेका छन् ।’ उनले आँखा भरी आँसु पार्दै सुनाईन् ‘गरिब दुखी भएर  बाँच्नु त धिक्कार नै रहेछ अहिले पनि लामो स्वास लिँदा शरीर नै दुख्छ धेरै बोल्न पनि हुँदैन ।’
पुसको २ गते देखि अनिस्चीतकालिन धर्नामा बसेका यी भुमिहीन किसानको माग आज पुस १७ गते भई सक्दा पनि कसैले सुनुवाई गरेको छैन ।  दिलमाया नेपाली मात्र हैन पुसको जाडोमा धर्ना बसेको १५ दिन भित्रमा ५० जना भन्दा बिरामी परी सकेको उनीहरु बताउँछन्  ।
बढी बिरामी परेर कतिलाई घर फकाईईयो कति अस्पताल नै भर्ना हुने अबस्था आयो भुमिअभिकार मञ्च रुपन्देहीका कोषध्यक्ष तुल बहादुर बिकले बताए ।  उनले भने ‘पुसको जाडो  घरमा सुतेका ब्यक्ती मरेका खवर आउँछन् हामीहरु लगातार यस्तो गणतान्त्रीक सभाहलको खुल्ला ठाउँमा रात काटेका छौ।’  अझैपनि मागको सुनुृवाई भएको छैन, उनले भने – अझै सुनुवाई नगर्ने हो भने बन्द देखि जस्तोसुकै आन्दोलन पनि गर्न तयार छौ ।
बिरामी परेका अधिकांशमा निमोनियाँको संकेत देखिएको छ । मानमटेरीया ६ रूपन्देहीका हिरालाल विश्वकर्माका अनुसार ज्वरो आउने, खोकी लाग्ने, हात खुट्टा सुनिने, रगत नै बन्द हुने जस्ता समस्याले भुईमा ढल्ने गरेका छन्  । उनले भने  विरामी हुनेको संख्या बढेको छ विरामीलाई घर पठाउने काम भएको छ  घरबाट अरुलाई मगाईएको छ ।
बिभिन्न ६ बुँदे माग राख्दै अधर्नामा बसेका भुमिहिन किसानहरुको खान र वस्नको टुंगो छैन । उनहीहरुले जहाँ धर्ना बसेका छन् त्यही पकाएर खाने र राति सभागृहमा गएर रात काट्ने गरेका छन्  ।  धेरै दिन भयो धर्नामा बसेको माग सम्बोधन भएको छैन जिल्ला भुमिअधिकार मञ्चका अध्यक्ष ओमप्रकाश वारीले भने सिडिओ साबले हाम्रो माग सुनेनन्  अबको जिल्ला प्रशासन कार्यालय घेराउ  गर्ने हो ।
जिल्ला मालपोत, जिल्ला वन तथा सुकुम्वासी समस्या समाधान आयोगको कार्यालय धर्ना दिँदै आएका भुमिहिनहरुले सोमवारदेखि जिल्ला प्रशासनमा धर्ना दिँदै आएका छन् । सोमवार सँझ मात्र प्रमुख जिल्ला अधिकारी हरिकृष्ण पौडेलले मागलाई सम्बन्धीत निकाय सम्म छलफल गरी निकास निकाल्ने भनेपनि आन्दोलन स्थगित गरेका छन्

शीतलहरका कारण कपिलवस्तुको जनजीवन प्रभावित

Voice of Gulmi,कपिलवस्तु,
एक हप्तादेखि लगातार शीतलहरका कारण कपिलवस्तुको जनजीवन प्रभावित भएको छ ।
बाक्लो हुस्सुका कारण चिसो बढेपछि सरकारी तथा नीजि विद्यालयहरु एक हप्ताका लागि बन्द गरिएका छन् । चिसोका कारण बिभिन्न रोगका विरामीको संख्या पनि बढेको छ ।
जाडो छल्न सर्वसाधारण चोक र गल्लीहरुमा आगो तापेर दिन विताइरहेका छन् । नगरपालिकाले वर्षेनी चिसो मौसममा नगर क्षेत्रका चोक र गल्लीहरुमा आगो बालेर ताप्नका लागि काठ दाउरा वितरण गर्ने गरेको थियो । तर यसवर्ष दाउरा पनि वितरण नगरेको कपिलवस्तु नगरपालिका २ का कन्हैयाप्रसाद कान्दुले बताउनुभयो ।
‘पहिले नगरपालिकाले आगोको ब्यवस्था गर्थ्यो तर यसवर्ष यस्तो अपार ठण्डीमा पनि नगरपालिकाले केही ब्यवस्था गरेको छैन’ उहाँले भन्नुभयो । बाक्लो हुस्सुका कारण जिल्लाको विभिन्न ठाउँमा लगाइएका काउली, टमाटर, आलु लगायतका तरकारी बालीलाई पनि असर गरेको जिल्ला कृषि विकास कार्यालयले जनाएको छ ।

यौन सम्पर्क गर्न नमानेपछि हत्या

१७ पुस, हेटौंडा । सँगै मर्ने सँगै बाच्ने कसम खाएर दाम्पत्य सम्बन्ध जोडेका एक युवकले यौनसम्पर्क गर्न नदिएको झोंकमा पत्नीको हत्या गरेका छन् । बेलुका खाना खाएर दुवैजना कोठामा गएपछि युवकले शारीरिक सम्पर्क गर्न खोज्दा पत्नीले नमानेपछि कपालमा समातेर भुईमा टाउको ठोक्दै हत्या गरेको खुलासा भएको हो ।
मकवानपुरको उत्तरी गोगने ५ का प्रेमबहादुर मुक्तानले यौनसम्पर्क गर्न नदिएको झोंकमा पत्नी बिबिमायाको हत्या गरेका हुन् । प्रहरी हिरासतमा रहेका ३५ बर्षका प्रेमबहादुरले घटनाको विवरण सुनाउँदै ‘मंसिर २५ को राती पत्नीले यौनसम्पर्क गर्न नदिएपछि कपालमा समातेर भुईमा ठोक्दा मृत्यु भएको’ बताएको खबर कान्तिपुर दैनिकले छापेको छ ।
‘४७ बर्षकी बिबिमाया खोकी र दमबाट पीडित थिइन्, उनको पाठेघर खसेको थियो, महिनावारी पनि रोकिएको थियो,’ अनुसन्धानमा खटिएका प्रहरी नायब निरीक्षक सूर्य श्रेष्ठले भने ‘उमेरले बिबिमाया भन्दा १२ बर्ष कान्छो र निरोगी प्रेमबहादुरलाई यौनतृष्णा मेटाउन नसकेका कारण उनको हत्या भएको खुलासा भएको छ ।’
सुत्ने कोठामा पत्नीको हत्या भएपछि राती नै डोकामा शव राखी आफैंले बोकेर नजिकैको भीरबाट खसालेको पनि उनले बताएका छन् ।