तम्घास अस्पतालको लापर्वाहीले सुत्केरीको ज्यान जोखिममा

Voice of Gulmi,प्रेम सुनार गुल्मी २२ फागुन ।- गत महिना तम्घास अस्पातलमा प्रशुती सेवा लिन आएकी गुल्मी अर्खलेकी एक महिलाको अप्रेशन सकेर त्यहाँका डाक्टरले त्यस बेला प्रयोग गरिने कपडा पाठेघर मैं छाडेर सिलाई गरेको खुलासा भएको छ । अर्खले ९ भाडगाउ निवासी ३० वर्षिया राधा खत्रीको गत माघ २४ गते तम्घास अस्पतालमा वच्चा जन्माउनका लागि सल्यक्रिया गरेपछि त्यहाँका डाक्टरले त्यस वेला प्रयोग गरिने कपडा उनको पाठेघरमै छाडेको कुरा राधालाइ थप उपचारका लागिे लम्विनी मेडिकल कलेज प्रवास पाल्पा पुराए पछि खुलसा भएको हो । जन्म दिईएको शिसु सकुशल भए पनि सुत्केुरी राधाको पेट दुख्न थालेपछि उनकी दिदी विष्णु केसीले उनलाई त्यहाँबाट रिफर गराई मेडिकल कलेज प्रवास पाल्पा लगेकी थिईन् । त्यहाँ लगेर पनि डाक्टरले के हो भन्ने कुरा पत्ता लगाउन सकेनन् राधाकी दिदी विष्णुले भनिन् वहिनीलाई फर्काएर घर ल्याईयो, ११ दिनमा गराउनु पर्ने न्वारन १६ दिनमा गराइयो तर वहिनी झन थला पर्दै गए पछि फेरी त्यही प्रवास पाल्पामा लगेर डाक्टरले राम्ररी चेक गर्दा पाठेघरमा कपडा फेला परेको हो । वहिनीको पाठेघरबाट कपडा झिकेको म आफैले र त्यहाँका अरुले पनि देखेका छन् उनले थपिन कपडाले असर गरेर वहिनीको आन्द्रा कुहेको र पिपै पिप थियो ।प्रवासका डाक्टरले त्यति वेला त्यो कपडा झिकेर तम्घास अस्पतालको लापर्वाही भने पनि अहिलेलाई कसैसंग केहि नभनि पहिला राधाको उपचार गराउन आग्राह गरेको विष्णुले बताईन् । अहिले किन चाहियो तपाईलाई धेरै कुरा ? डाक्टरले यस्तो प्रश्न गर्दै पहिला राधाको उपचार सफल भएपछि मात्र सवै रिर्पोट दिने डाक्टरले बताएको उनले जानकारी दिईन् । राधालाई प्रवासको आईसियु कक्षमा राखिएको र उनको अवस्था गम्भीर रहेको उनलाई कुर्न बसेकी विष्णुले बताईन । उसलाई रगत चाहिने भयो र म खोज्न बुटवलतिर जाँदैछु उनले भनिन् ८० हजार खर्च भई सक्यो त्यस माथी वहिनीको ज्यान जोखिममा छ , यसको जिम्मेवारी तम्घास अस्पतालका डाक्टरहरुले लिनु पर्दछ । यस सम्वन्धमा गुल्मीका जिल्ला स्वास्थ्य प्रमख डाक्टर हरिबहादुर केसीसंग सम्पर्क राख्दा आफुले पनि भर्खरै त्यस्तो सुनेको तर आफ काठमाण्डौंमा रहेकोले सत्य तथ्य त्यही आएर मात्र बुझ्ने बताए । उनले भने अहिलेलाई रोक्नुहोस , म आउछु र अप्रेशन गर्ने डाक्टरहरु र उहाँको टिमसंग सोधपुछ गरेर मात्र तपाईलाई समेत बोलाएर जे गर्नु पर्ला त्यही गरौंला । निमित्त जिल्ला स्वास्थ्य प्रमुख डाक्डर रमेश नेपालसंग सम्पर्क राख्दा उनि पनि काठमाण्डौं रहेको बताए । उनले पनि हाललाई समाचार रोक्न र आफु आए पछि सवै वसेर के रहेछ बुझ्ने , छलफल गर्ने बताए । यता राधाका आफन्तजनले यस्तो खालको लपार्वाहीको समाचार बाहिर आउनु पर्ने माग गरेका छन् । राधाकी दिदी विष्णुले भनिन् पाठेघरबाट निकालेको कपडा स्वयम मैले देखेकी छु र अरुले पनि देखेका छन् , डाक्टर डाक्टर मिलेर प्रमाण लुकाए भन्दैमा हुन्छ र ? उक्त उक्त दिन राधाका अप्रेशनका लागि डाक्टर अरविन्दा शाह , डाक्टर किशोर वञ्जाडे लगायतको टिम खटिएको बताईएको छ । श्रोतका अनुसार ति दुवै जनाको सरुवा भई सकेको छ । राधा वोल्न समेत नसक्ने र उनको ज्यान जोखिममा रहेको कुरवा दिदी विष्णुले बताईन् । उनको १४ वर्षकी एक छोरी रहेकी छन् । तम्घास अस्पतालका डाक्टरहरुको यस्तो लापर्वाही विरुद्ध बुधवार तम्घासमा आयोजित जिल्ला विकास समितिको सातौं जिल्ला परिषद उद्घाटन गर्न आई पुगेका उप प्रधान मन्त्री प्रकाशमान सिंहका सामु यहाँका अधिकारकर्मीहरुले आवाज उठाएका थिए । सवै महिलाहरुको तर्फबाट बोल्दै लोकतान्त्रिक महिला सञ्जालकी अध्यक्ष विष्णु कुमारी सापकोटाले भनिन् तम्घास अस्पतालको लापर्वाहीका कारण आज एउटी महिलाको ज्यान जोखिममा छ ।