गत वर्षको तुलानामा यस वर्ष गुल्मी जिल्लामा परीक्षा थप मर्यादित भएको जिल्ला शिक्षा कार्यालयको दावी छ ।

Voice of Gulmiचैत्र ११ गुल्मी ,जारी एसएलसी प्रवेशिका परीक्षाको पाचौँ दिन आज विद्यार्थीहरुले सामाजिक अध्ययन विषयको परीक्षा दिएका छन् । गुल्मी जिल्लामा आजको परीक्षा अत्यन्त मर्यादित रुपमा सम्पन्न भएको जिल्ला शिक्षा कार्यालयका शाखा अधिकृत लोकनाथ मरासिनीले जानकारी दिनुभएको छ । जिल्लाको कुनै पनि केन्द्रमा त्यस्ता अप्रिय घटना नघटेको उहाँले बताउनुभयो । हिजोको अनिवार्य विज्ञान विषयको परीक्षामा भने गुल्मी जिल्लावाट १ जना विद्यार्थी निष्काशित भएका थिए भने ९ गते आईतबार भएको अनिवार्य गणित विषयका परीक्षामा ४ जना विद्यार्थी निष्काशित भएका थिए । परीक्षा समयमा परीक्षाको मर्यादा भन्दा वाहिर रही कार्य गरेको भेटिएपछि ती विद्यार्थीको परीक्षा रद्ध गरिएको थियो। गत वर्षको तुलानामा यस वर्ष परीक्षा थप मर्यादित तथा व्यवस्थित भएको जिल्ला शिक्षा कार्यालयको दावी छ ।