सुशासन अभियान गुल्मीको वैठक सम्पन्न

Voice of Gulmi,विष्णु पौडेल गुल्मी, फागुन २३ ।-ट्रान्सपरेन्सी इन्टरनेशनल नेपालमा आवद्ध सुशासन अभियान गुल्मीको वैठक सम्पन्न भएको छ । संस्थाका अध्यक्ष श्यामकुमार पाण्डेको अध्यक्षतामा आज वसेको वैठकले ट्रान्सपरेन्सी इन्टरनेशनल नेपालद्धारा सञ्चालित एलाक डीपी कार्यक्रम अन्तर्गतको चैत मसान्तसम्मको कार्ययोजना पारित गरेको छ । कार्ययोजनामा सरकारी कार्यालयवाट सेवा लिँदा सर्वसाधरणले खेप्नुपरेको हैरानी तथा ढिलासुस्तीलाई हटाउँदै सार्वजनिक सेवालाई छिटो, छरितो र गुणस्तरीय वनाउन सेवाग्राही र सेवाप्रदायक विच विभिन्न कार्यक्रम सञ्चालन गर्ने उल्लेख गरिएको छ । कार्ययोजना अन्तर्गत अन्तरक्रिर्या, गुनासो संकलन, सुशासनसम्बन्धि रेडियो कार्यक्रम प्रशारण, एलाक डीपी कार्यक्रमसम्बन्धि प्रचारप्रसार लगायतका कार्यक्रम समेटिएको एलाक डीपी कार्यक्रमकी अधिकृत हीरा कुँवरले वताउनुभयो । यसैगरी मिडिया फेलोसिप वितरणका लागी संस्थाका कोषाध्यक्ष माहाशर्मा भण्डारीको संयोजकत्वमा ३ सदस्यीय छनौट समिति पनि गठन गरिएको छ । समितिको सदस्यमा नरेश भण्डारी र पिएम मगर रहनुभएको छ । सरकारी सेवा र सुशासनसम्वन्धि समाचार लेखनमा पत्रकारहरुलाई प्रोत्साहन गर्ने उद्देश्यले पुरस्कार प्रदान गर्न लागिएको हो । संस्थाले फागुन १२ गते १५ दिने सूचना प्रकाशन गरी पुरस्कारका लागी निवेदन दिन सवै पत्रकारहरुलाई आग्रह गरेको छ । संस्थाका अध्यक्ष श्यामकुमार पाण्डेको अध्यक्षतामा सम्पन्न भएको वैठकमा उपाध्यक्ष शुशिला मरासिनी, कोषाध्यक्ष माहाशर्मा भण्डारी, सदस्य नरेश भण्डारी, वेदप्रसाद कुँवर, धनेन्द्र विश्वकर्मा, एलाक डीपी कार्यक्रमकी अधिकृत हीरा कुँवर, कार्यक्रम सहायक विष्णु पौडेल लगायतको उपस्थिती रहेको थियो । यसवर्षदेखि गुल्मी जिल्लामा ट्रान्सपरेन्सी इन्टरनेशनल नेपालमार्फत सञ्चालित एलाक डीपी कार्यक्रमले सरकारी कार्यालय वा सार्वजानिक संस्थानवाट प्राप्त सेवामा हुने हैरानी, ढिलासुस्ती, अनियमितता तथा भ्रष्टाचारसँग सम्वन्धित उजुरीमा सरसल्लाह र आवश्यक कानूनी परामर्श दिँदै आएको छ । कार्यक्रमले सरकारी कार्यालय वा सार्वजानिक निकायसँग सम्वन्धित उजुरी भएमा ०७९–५२०८५४ वा टोलफ्रि नम्वर १६०६०–०१–२२–२११ मा सम्पर्क गर्न अनुरोध गरेको छ ।