कम्बल नपुग्दै घाम लाग्यो

Voice of Gulmi,

गृहमन्त्रालयले कहिले रकम निकासा गर्ने, स्थानीय प्रशासनले त्यो रकम कहिले पाउने, रकम झिकेर कहिले कम्बल किन्ने र त्यो कम्बल कहिले बाँड्ने अझै पत्तो छैन । तर कम्बलको भर नभएपछि तराईका बासिन्दालाई घामले भने केही राहत दिएको छ । ‘हप्तौं भएको थियो घाम नलागेको, आज भने घाम ताप्न पाइएको छ’ भैरहवामा रहेका रुपन्देहीका प्रजिअ हरिकृष्ण पौडेलले भन्नुभयो ।

हुन त राजधानी र पहाडी क्षेत्रमा जस्तो तराईमा अझै राम्रोसँग घाम लाग्न सकेको छैन । तर हप्ता दिनदेखि घाम नदेखेका सर्वसाधारणले बुधबार घाम ताप्न पाए । सुनसरी, नेपालगंज, भैरहवा, नवलपरासी, चितवन, बाँके, सुर्खेत लगायतका प्रायः सबै तराई क्षेत्रमा बुधबार घाम लागेको छ । ‘अधिकाँश ठाउँमा बुधबार घाम लागेको छ, अब बिस्तारै मौसम खुल्दै जान्छ’ मौसम पुवार्नुमान महाशाखाका बरिष्ठ मौसमविद् राजेन्द्र श्रेष्ठले  भन्नुभयो ।