ट्रकमा ठोक्किएर मोटरसाइकल चालकको मृत्यु

Voice of Gulmi, ११ भदौ  नवलपरासीको नदुवामा ट्रकसँग ठोक्किएर मोटरसाईकल चालकको मृत्यु भएको छ । १ जना महिला गम्भीर घाईते भएकी छन् । ना ३ ख ४१५८ नम्बरको ट्रकसँग ठोक्किएर लु १५ प ५१०५ नम्बरको मोटरसाईकल चालक स्थानीय २५ वर्षका पुर्ण बहादुर विक.को गएराति मृत्यु भएको हो ।

मोटरसाईकलमा पछाडी सवार सोहि ठाउँकी १९ बर्षकी सरीता ढकाल गम्भीर घाईते भएकी छन् । घाईते ढकालको चितवनको भरतपुरस्थित पुरानो मेडिकल कलेजमा उपचार भईरहेको प्रहरीले जनाएको छ ।