Voice of Gulmi,महेन्द्रनगर, फागुन ६ - कैलालीको मालाखेती
गाविसमा पर्ने चौकीडाँडा नजिकै नबिल बैंक महेन्द्रनगर शाखाको २ करोड ३०
लाख रुपैयाँ लुटिएको घटनामा अनुसन्धान गर्न प्रहरीले बैंकका शाखा
प्रबन्धकसहित ५ जनालाई नियन्त्रणमा लिएको छ ।
प्रहरी स्रोतका अनुसार नबिल बैंक
महेन्द्रनगर शाखाका प्रबन्धक बिसन सिंहसहित चार जना बैंक कर्मचारी र एक जना
चाँदनीका युवकलाई कैलाली प्रहरीले नियन्त्रणमा लिएको हो ।
प्रहरीले नियन्त्रणमा लिएका युवक बैंकका
शाखा प्रबन्धक सिंहका आफन्त रहेको स्रोतले जनाएको छ । उनीहरु सबैलाई
घट्नाको अनुसन्धानका लागि गठित प्रहरी नायव उपरीक्षक रमेश पण्डित नेतृत्वको
प्रहरी टोलीले कञ्चनपुरका विभिन्न स्थानबाट पक्राउ गरि कैलाली लगेको हो ।
पक्राउ परेका व्यक्तिको नाम र संख्या केही
नखुलाएपनि कैलालीका प्रहरी उपरीक्षक मोहनराज जोशीले केही व्यक्तिलाई
नियन्त्रणमा लिएर सोधपुछ भइरहेको बताउनुभयो । अनुसन्धानमा संलग्न प्रहरी
स्रोतका अनुसार कर्मचारीको मिलेमतोमा नै रकम लुटिएको निष्कर्षमा पुगेर
प्रहरीले बैंकका माथिल्लो निकायका कर्मचारीलाई नियन्त्रणमा लिएर अनुसन्धान
सुरु गरेको हो ।
गत मंसिर २५ गते अत्तरियाबाट झण्डै तीन
किलोमिटर पश्चिम पाँच जनाको संख्यामा रहेको लुटेरा समुहले बैंको दुई करोड
३० लाख नेपाली रुपैयाँसहित दुई सय अमेरिकी डलर, ५० यूरो, सात सय क्यानेडियन
डलर, दुई सय तीन सुडानी रियाल र २५ कतारी रियाल लुटेको थियो । 
No comments:
Post a Comment