अनुगमन टोली आएसँगै बुर्तिबाङका औषधि पसलहरु बन्द

Voice of Gulmi,बुर्तिबाङ फागुन ०८ ।-औषधि व्यवस्था विभागको टोली बागलुङहुँदै बुर्तिबाङ आएसँगै बुर्तिबाङका औषधि पसलका सटर दुईदिनदेखि बन्द भएकाछन् । विभागका तर्फबाट फर्मेसि निरीक्षक श्याम अधिकारी, भरत पौडेल तथा औषधि व्यवस्था विभागका प्रशासनिक अधिकृत रमेश लामिछाने सहितको एक टोली बागलुङहुँदै बुर्तिबाङका लागि हिडेको थाहा पाएपछि बुर्तिबाङका औषधि पसलहरु जो नियमसँगत सञ्चालित थिएन , ति हिजोदेखिनै बन्द रहेका हुन् । विभागका निरीक्षक श्याम अधिकारीका अनुसार अनुगमनका शिलशीलामा खर्वाङमा रहेको गैरे हेल्थ केयर सेन्टर, ग्वालीचौर स्थित विन्धावासिनी मेडिको सेन्टर, ग्वालीचौरकै शिवसुदन मेडिकल, भीमगीठेको सिर्जना मेडिको फर्मा दर्ता प्रक्रिया विनानै सञ्चलनमा आएको पाइएको बताउनुभएको छ । त्यस्तै बुर्तिबङ वसपार्क स्थित उत्तर गंगा मेडिको फर्मा र वर्षऋतु मेडिकल अनुगमन टोली बुर्तिबाङ आउने भनेसँगै सटर लगाएर दुईदिन यता बन्द गरिएको पाइएको अधिकृत अधिकारीले बताउनुभएको छ । उहाँका अनुसार ति मेडिकल सञ्चालकहरुले नियमसँगत नभएकै कारण अनुगमनका वेला आफै बन्द गर्नु परेको हामीले पाएकाले उनीहरुलाई जिल्लामा तानेर कार्वाही प्रक्रिया थालिने बताउनुभएको छ । यस्तै यसरी बन्द हुने बुर्तिबाङ स्थित अन्य औषधी पसलहरु पनि रहेकाछन् । जो अझै बन्द अवस्थामा रहेकाछन् । उनीहरुलाई पनि प्रक्रियागत कार्वाहीका लागि जिल्ला प्रशासन कार्यालयका प्रतिवेदन बुझाईने अनुगमन टोलीले बताएको छ । त्यस्तै बुर्तिबाङ स्थित पिपि पोलि क्लिनिकले होलसेलर हुँदा हुँदै पनि फुटकर विक्री गरेको, हिमकृति फर्मेसीले फुटकर विक्री गर्ने अनुमति लिएकोमा होलसेलमा विभिन्न ठाउँमा र्आैषधि विक्री गरेको विल पाइएको टोलीले जानाकारी दिएको छ । उता ढोरपाटन मेडिको फर्मेसीले आषधि पसलमा जिम्मेवार मान्छे नराखी अरुनै मान्छे राखेर पसल चलाईरहेको पाइएको छ । यसैबीच बुर्तिबाङ वसपार्कमा रहेको होमियो फर्मेसीले पनि एलोपेथिक र आर्युवेदिक औषधिसँगै राखेर विक्री गर्दे आएको पाइएको तथा गोर्खा डेन्टल हेल्थ केयर सेन्टरमा अनुगमन टाली पुगेपछि पसलमा खुल्ला छाडेर मान्छे वाहिर गएको लामो समयसम्म पनि फर्केर नआएपछि टोली फर्कनु परेको अनुगमन टालीका अर्का निरिक्षक भरत पौडेलले बताउनुभयो । अनुगमन टोलीका अनुसार टोलीले केही औषधि पसलमात्र नियमसँगत चलेकाले वाँकीलाई प्रक्रिया पु¥याउनका लागि तत्काल आग्रह गर्ने र जिल्ला स्थित उपभोक्ता मञ्च, जिल्ला प्रशासन कार्यालय र जनस्वास्थ्य कार्यालयमा आफूहरुले प्राप्त गरेको रिपोर्टको जानाकारी गराई कार्वाही हुनेलाई कार्वाही प्रक्रिया र सुधार गरि व्यवसाय सञ्चालन गर्न चाहनेलाई सोही अनुसारको सचेतना गराईने भएको छ । टोलीले बुर्तिबाङ छाडेर आसपासमा अनुगमन तर्फ लाग्यो भनेपछि केही पसलहरु अहिले खुल्न थालेकाछन् भने धेरै जसो अझै बन्द रहेका छन् । यसरी अनुगमन टोली आउँदा औषधि व्यवसायीले आफ्नो पसलनै बन्द गरि बस्नले उनीहरुले गलत प्रक्रियाबाट औषधि बेच्दै आएकाछन् र आम जनताको जनस्वास्थ्यका खेलवाड त गरिरहेका छैनन् उनीहरुकै व्यवहारबाट यस्तै देखाएको छ । उता अनुगमन टोलीले वेला वेलामा अनुगमन गरेपनि ति औषधि पसलहरु निरन्तर चलिरहनु यसमा विभागको कस्तो सहानुभुति हो भन्ने प्रश्नमा विभागका निरीक्षक अधिकारीले यो प्रशासन प्रतिको अटेरीपन भएको बताउनुभएको छ ।