शाईन रेसुङ्गा डेवलपमेन्ट विकास बैंकको १७ औं शाखा बुर्तिबाङमा

Voice of Gulmi,बागलुङ १२ फागुन, शाइन रेसुङ्गा डेभलपमेण्ट बैंकको छैठौं बर्ष प्रवेशका अवसरमा बाग्लुङ्ग जिल्लाको बुर्तिबाङ्ग बजारमा बैंकको सत्रौं शाखाको स्थापना भएको छ । शाखाको स्थानीय जेष्ठ सदस्य ९६ बर्षिय श्री बल बहादुर घर्ति क्षेत्रीले आइतबारे एक समारोहका बिच उद्घाटन गरेकाछन् । बैंकका संचालक श्री राजेन्द्र प्रसाद श्रेष्ठको अध्यक्षता रहेको कार्यक्रममा स्थानीय जेष्ठ सदस्य ९६ बर्षिय श्री बल बहादुर घर्ति क्षेत्रीको प्रमुख आतिथ्यता रहेको थियो । उद्घाटन कार्यक्रममा उद्योग वाणिज्य संघ बुर्तिबाङ्गका सदस्य श्री चिन्तामणि शर्मा, बुतिवाङ्ग नगर विकास समितिका संयोजक श्री तुल्सीराम अर्याल, एकिकृत सेवा केन्द्र बुर्तिबाङका प्रमुख श्री रविलाल शर्मा लगायतले शुभकामना मन्तव्य राखेका थिए । सो अवसरमा बोल्दै सञ्चालक समितिका अध्यक्ष तथा कार्यक्रमका समेत अध्यक्षता ग्रहण गुर्नभएको राजेन्दै प्रसाद श्रेष्ठले शाइन डेभलपमेण्ट बैंक लि बुटवल र रेसुङ्गा विकास बैंक लि तमघास मर्ज भै २०६९ चैत्र ४ गतेदेखि एकिकृत कारोबार संचालन गर्दै आएको ताएकाछन् । बैंकको प्रधान कार्यालय तमघास,गुल्मीमा रहेको छ भने कर्पोरेट कार्यालय बुटवल रुपन्देहीमा रहेको छ । साथै यस बैंकले विभिन्न १० जिल्लामा १७ वटा शाखा कार्यलय स्थापना गरेको अध्यक्ष श्रेष्ठले बताए । बैंकको अधिकृत पूजि ६४ करोडतथा जारी पूजिः ५७ करोड ५७ लाख ५४ हजार र चुक्ता पूजि ३८ करोड ३८ लाख ३६ हजार रहेको अध्यक्ष श्रेष्ठको भनाई थियो । बुर्तिबाङ शाखाका प्रबन्धक कृष्णहरी भण्डारीको स्वागत मनतव्य रहेको कार्यक्रमको सञ्चालन क्षेत्रिय प्रबन्धक लालमणी पन्तले गरेका थिए ।