आगोको अगुल्टाले हान्दा एक मजदुरको मिर्तु

Voice of Gulmi,बागलुङ, फागुन १२ – बागलुङको हुग्दीशिरमा बलिरहेको अगुल्टोले हान्दा एक मजदुरको ज्यान गएको छ ।
हुग्दीशिर ४ की शान्ति थापाले घरमा डेरा गरी बस्ने पाल्पा झुठापौवा गाविसका २४ वर्षिय सुमन पुनलाई अगुल्टोले हान्दा ज्यान गएको हो ।
आफ्नो घर जान पुनले राखेको प्रस्ताव घरवेटी थापाले अस्वीकार गरेपछि आक्रमणमा उत्रिएका थिए । घटनामा संलग्न थापाले प्रहरीलाई दिएको प्रारम्भिक बयान अनुसार त्यसको प्रतिकार गर्दा पुनको ज्यान गएको हो । थापाको दुवै आँखामा निला डाम रहेको प्रहरी नायव निरीक्षक शैलेन्द्र खड्काले बताउनुभयो ।
घर निर्माणमा मजदुरीको काम गर्दै आएका पुनको शव पोष्ट मार्टमका लागि धौलागिरी अञ्चल अस्पतालमा ल्याइएको छ । थापालाई अनुसन्धानका लागि हिरासतमा राखिएको छ ।
मृतक पुनको आफन्त कोही पनि सम्पर्कमा नआएको हुँदा प्रहरीले शव नगरपालिकाको जिम्मा लगाउने तयारी गरेको छ । पुनलाई आफुले भाई मान्दै आएको थापाले प्रहरीलाई बयान दिएकी छन् ।