स्याङ्जाको तीनदोवाटे दलितवस्तीमा भिषण आगलागी

Voice of Gulmi, स्याङ्जाको तीनदोवाटे गाविस ५ कुसुन्डेको दलितवस्तीमा भिषण आगलागी भएको छ । आगालागीवाट चार वटा घर पुर्ण रुपमा जलेर नष्ट भएका छन् भने दलितपरिवार विचल्लीमा परेको छ । आगलागीवाट स्थानीय यामवहादुर एसके, रेशम वहादुर एसके, विनवहादुर एसके र टुक वहादुर एसकेको घर पुर्णरुपमा जलेर नष्ट भएको छ ।आगलागीवाट नगद सुनसहित अन्नपात, भाडा, लत्ताकपडा सवै जलेको वडा प्रहरी कार्यालय वालिङका निमित्त प्रमुख युवराज पाण्डेले जानकारी दिनुभयो । उहाँले २० लाख भन्दा वढीको क्षती भएको वताउनुभयो । ३५ जना भन्दा वढी सदस्य रहेको चार परिवारको विचल्ली भएको तीनदोवाटे गाविसका प्राविधिक सहायक दिपेन्द्र गैह्रेले जानकारी दिनुभयो । विद्युत सट भएर आगलागी भएको प्रहरीको प्रारम्भिक अनुमान् रहेको छ । नेपाल रेडक्रस सोसाईटी स्याङजाले वचल्लीमा परेको परिवारलाई सोमबार राहत प्रदान गर्ने रेडक्रस स्याङजाका सभापति चन्द्रमणी पौडेलले जानकारी दिनुभयो ।