Voice of Gulmi, फागुन ८ – गुणस्तर तथा नापतौल
विभागको निर्देशनपछि पाल्पामा सञ्चालित सबै पाँचवटै पेट्रोल पम्प बन्द भएका
छन् । ग्राहकलाई विभिन्न तरिकाबाट ठगेको भन्दै विभागले ती पम्प बन्द गर्न
निर्देशन दिएको थियो ।
जिल्ला अनुगमन समिति पाल्पाले गएको ३ गते
तानसेन र आसपासका क्षेत्रमा रहेका पेट्रोल पम्पहरुमा अनुगमन गर्दा ती
पम्पहरुले ५ लिटर पेट्रोल बेच्दा ५० मिलिलिटरसम्म कम बेच्ने गरेको पाइएको
भन्दै बन्द गर्न निर्देशन दिएको थियो ।
आयल निगमका प्रतिनिधिसहितको टोलीले अनुगमन गर्दा तेलको गुणस्तरमा समेत परिवर्तन भएको पाइएको थियो ।
तर गुणस्तर तथा नापतौल विभाग बुटवलका
प्रतिनिधिहरुले विहीबार गरेको अनुगमनमा केही पेट्रोल पम्पहरुमा धेरै
पेट्रोल झरेको पाईएको छ । पाल्पाका सहायक प्रमुख जिल्ला अधिकारी निरन्जन
ज्ञवालीका अनुसार गुणस्तर तथा नापतौल विभाग बुटवलले तत्काल पम्प बन्द गर्न
निर्देशन दिएपछि पम्पहरु बन्द भएका हुन् ।
अनुगमनकोक्रममा पम्पहरुमा फाएर ग्यास नभएको, स्टोरेज कक्ष ब्यवस्थित नभएको, प्लास्टीकको भाँडामा तेल राखेर बेचेको भेटिएको थियो ।
No comments:
Post a Comment