बेलाखोलामा नवजात शिशु फेला

Voice of Gulmi,

जनकपुर माघ २८ – जनकपुरको बेला खोलाको छेउमा सालनालसहितको नवजात शिशु फेला परेको छ ।

भर्खरै जन्मेको शिशु खोलामा भेटिएको हो । जन्मने वित्तिकै खाल्डोमा बेवारिसे अवस्थामा फालेको शिशुलाई अहिले जनकपुरको कविर अनाथ बाल आश्रममा राखिएको छ ।

शिशुको देब्रे आँखामा भने चोट लागेको छ । शिशुको अवस्था समान्य रहेको र आश्रममा राखिएको आश्रमका सञ्चालक सत्यनारायण आलोकले जानकारी दिनुभयो । पानी र जलकुम्भी भएको खाल्डो छेउमा रोइरहेको अवस्थामा नवजात शिशु देखेपछि स्थानीय बासिन्दाले आलोकलाई फोन गरेका थिए ।

शिशुको स्वास्थ्य अवस्था कमजोर भएपनि उपचारपछि ठिक भएको उहाँले बताउनुभयो । फेला परेको शिशुसहित आश्रममा बेवारिसे बालबालिकाको संख्या ६ पुगेको छ ।