माटोको ढिस्कोले लागेर एक किशोरीको मृत्यु

Voice of Gulmi, माटोको ढिस्कोले लागेर रुकुमको घेत्मा गाविसमा एक किशोरीको मृत्यु भएको छ । वडा नम्वर ३ ज्यामिरकोटकी १८ बर्षिया रीता मल्लको माटो खन्ने क्रममा माथिबाट खसेको ढिस्कोले चोट लागेर घटनास्थलमै ज्यान गएको हो । ढिस्कोले लागेर स्थानीय १४ बर्षिया सविता मल्ल घाइते भएको स्थानीय हरिप्रसाद शर्माले जानकारी दिनुभयो । अन्य साथीहरुसंगै शनिबार बेलुकी माटो लिन गएका उनीहरु खाडल भित्र पसेर माटो खन्ने क्रममा ढिस्को खसेको हो । माटोको ढिस्को खसे लगत्तै बारिह निकालिए पनि रीताको ज्यान गइसकेको थियो भने सविता घाइते अवस्थामा थिइन् । घाइते सविताको स्थानीय मेडिकलमा उपचार भइहेको छ ।