धादिङमा दुई युवकको हत्या

Voice of Gulmi,

धादिङ, माघ २५ – धादिङमा दुई युवकको हत्या भएको छ । नुवाकोट सामरीका पहलमान तामाङको कुटपिटपछि हत्या भएको हो ।

धादिङ ससुराली गएका बेला तामाङमाथि सेम्जोङमा कुटपिटपछि हत्या भएको छ । विहिबार सामरीमा सडक खन्ने क्रममा विवाद भएपछि ससुराली आएका तामाङलाई सामरीबाट आएका ७/८ जनाको समूहले कुटपिट गरि हत्या गरेको धादिङका प्रहरी प्रमुख अशोक सिंहले जानकारी दिनुभयो ।

पहलमानको हत्यामा सेमजोङ र सामरीका युवाहरु संलग्न रहेको जानकारी प्राप्त भएकाले यस बारेमा अनुसन्धान सुरु गरिएको र घटनास्थलमा प्रहरी पठाइ सकिएको पनि प्रहरीले जनाएको छ ।

हत्यामा संलग्न भएका व्यक्तिहरु चढेको  मोटरसाइकलको नम्बर खुलि सकेकोले मोटरसाइकल भाग्न सक्ने सबै दिशामा प्रहरी परिचालन गरि हत्यामा संलग्नहरुको खोजी सुरु गरिएको सिंहले बताउनुभयो । घटनास्थल सदरमुकाम भन्दा टाढा भएकाले पूर्ण विवरण आउन नसकेको प्रहरीले जनाएको छ ।

यस्तै विहीबार साँझ पनि जिल्लाको गजुरी गाविस १ मा भवन निर्माणमा कार्यरत मजदुरहरुबीच झगडा हुदाँ धनकुटा जिल्लाको बुढीमोरङका २५ वर्षीय सरोज लिम्बुले फलामको रडले टाउकोमा  प्रहार गरि दाङ घोराहीका ३५ वर्षीय सञ्जय ठकुरीको हत्या गरेको प्रहरीले जनाएको छ । हत्यामा संलग्न लिम्बुलाई प्रहरीले शुक्रबार प्रक्राउ गरेको छ ।

एक महिना अघि जिल्लाको फूलखर्क र दार्खामा एक एक जना युवकको हत्या भएको थियो ।