Voice of Gulmi,
काठमाडौं, माघ २२ – नेपाल टेलिकमले फेसबुक र ट्वीटरजस्तै सामाजिक सञ्जाल सुरु गर्ने भएको छ ।
फेसबुकमा हुने अरु सुविधाजस्तै ग्रुप
म्यासेज, स्काइप, भाइबर, युट्यूबलगायतका सेवा समेत हुने गरी छुट्टै सामाजिक
सञ्जाल सुरुवातको तयारी भैरहेको टेलिकमले जनाएको छ ।
‘अहिले टेस्ट भैरहेको छ, छिटै सुरु गर्ने तयारीमा छौं’ टेलिकमकी प्रवक्ता गुणकेशरी प्रधानले उज्यालो अनलाइनसित भन्नुभयो ।
उहाँका अनुसार सामाजिक सञ्जालमा साथी
बनाउने, च्याट गर्ने, ग्रुप म्यासेज बनाउने, फोटो तथा भिडियो डाउनलोड र
अपलोड गर्ने, फोटो सेयर गर्ने, स्टाटस राख्ने, कमेन्ट गर्नेलागयतका सुविधा
हुनेछन् ।
ग्राहकले निःशुल्क एसएमएस समेत गर्न सक्ने
व्यवस्था पनि यसमा हुनेछ । नाम तय हुन बाँकी यो सामाजिक सञ्जाल ग्राहकमाझ
लोकप्रिय हुने टेलिकमको विश्वास छ ।
यसैबीच नेपाल दूरसञ्चार कम्पनी लिमिटेड,
टेलिकमले आगामी दिनहरुमा अझ गुणस्तरीय, सर्वसुलभ र अध्याधुनिक सेवा उपलव्ध
गराउने प्रतिबद्धता जनाएको छ ।
आफ्नो वार्षिकोत्सवको अवसरमा कम्पनीले
यस्तो प्रतिबद्धता जनाएको हो । स्थापनाको १० औं वर्ष पूरा भएको अवस्थामा
ग्राहक संख्या ९७ लाख ६३ हजार नाघिसकेको कम्पनीले जनाएको छ ।
यसमध्ये जीएसएम मोवाईल ग्राहक संख्या ७९
लाख ७९ हजार, सीडीएमए सेवाका ग्राहक ११ लाख ४० हजार तथा पीएसटीएन सेवाका
ग्राहक ६ लाख ४६ हजार छन् ।
यस्तै इमेल, इन्टरनेट सेवाका प्रयोगकर्ता
३८ लाख ९ हजारभन्दा बढि रहेका कम्पनीले जनाएको छ । ग्रामीण क्षेत्रमा बढी
लोकप्रिय रहेको सीडीएमए सेवालाई अध्याधुनिक बनाउने र वाईम्याक्स सेवा
विस्तार गर्ने काम भैरहेको टेलिकमले जानकारी दिएको छ ।
No comments:
Post a Comment